Secuestrados en Xeorxia

Secuestrados en Xeorxia
Ficha técnica
Título orixinal	Secuestrados en Xeorxia
Director	Gustavo Balza
Produtor	Antón Reixa
Guión	Ramón Campos e Xosé Morais
Intérpretes	Carlos Blanco, Manuel Botana, Celso Bugallo, Paco Campos, Anxo Carbajal, Monti Castiñeiras, Rosa Estévez, Marco Aurelio González, Chete Lera, Miguel de Lira, Manuel Morón, Antonio Mourelos, Santi Prego, Beatriz Santana, Gonzalo Uriarte, Carolina Vázquez, Roberto “Luna” Sánchez
Música	José Luís Vázquez
Fotografía	Suso Bello
Montaxe	Toño López
Estrea	2002
Duración	90 minutos
Orixe	Galicia
Xénero	telefilme
Na rede

Secuestrados en Xeorxia é unha longametraxe de 90 minutos de duración, feita para televisión en 2003 e dirixida por Gustavo Balza. Foi producida por Portozás Visión para TVG e Telecinco e conseguiu un nomeamento ó mellor telefilme nos Premios Mestre Mateo 2004.

Francisco e José Manuel Clavijo, dous empresarios españois, viaxan a Xeorxia coa intención de comprar unha xoia que en España revenderán a un prezo alto. O intermediario do negocio é Carlos, socio de Francisco en Xeorxia. Pero as cousas non saen como esperaban. A Francisco e a José Manuel secuéstranos un grupo de guerrilleiros que, en realidade, son cómplices de Carlos. El pretende levar unha parte do rescate que pagarán as familias dos secuestrados. Trátase dunha historia baseada en feitos reais.

Entrementres, en Madrid, Rosa e Helena – as mulleres dos secuestrados – intentan logra-la liberación dos seus maridos por tódolos medios diplomáticos posibles… Ata que non queda outro remedio que ir a Xeorxia e paga-lo rescate que esixen os secuestradores.

• Axudante de produción: Xabier Eirís, Pablo Atienza, Quique Batet
• Produción executiva: David Martínez
• Axudante de dirección: José Manuel Quiroga
• Dirección de arte: Alexandra Fernández
• Dirección de produción: María Liaño
• Efectos especiais: Ricardo Spencer
• Script: Ana Monteagudo
• Xefe de son: José Manuel Sospedra

• Consello da Cultura Galega
• Axencia Audiovisual Galega