Santiago Casal Cao
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 1898  Vigo, España | ||||||||||||||||||||||||||||||||||
| Morte | 1982 (83/84 anos) | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||
| |||||||||||||||||||||||||||||||||||
Santiago Casal Cao, nado en 1898 en Vigo e finado en 1982, foi un futbolista galego que xogaba na demarcación de extremo esquerdo.
Traxectoria
[editar | editar a fonte]Procedente do Real Club Fortuna de Vigo formou parte do primeiro cadro de xogadores da historia do Celta de Vigo despois da fusión do Fortuna co Real Vigo Sporting Club en 1923.
Casal debutou co Celta en partido oficial no Campionato galego de fútbol o 2 de decembro dese mesmo ano ante o Racing de Ferrol (7-1), proclamándose o equipo vigués campión desta e das dúas seguintes edicións.
A única competición a nivel estatal que existía no momento era o Campionato de España, a actual Copa do Rei pero na súa primeira participación o Celta tivo que enfrontarse a un dos favoritos, o Athletic de Bilbao, quedando eliminado. Esta primeira experiencia compensouna ao ano seguinte, chegando a semifinais ante o Arenas de Getxo tras perder 1-0 en Getxo e empatar a uns en Vigo, case igualando ao papel do Vigo Sporting que en 1908 foi subcampión do campionato.
Esa segunda tempada rematou cun amigábel en Madrid ante o Real Madrid que rematou cun empate a dous goles, os tantos vigueses marcáronos Polo e o propio Casal.
Na tempada 1924-25 disputase o primeiro derbi Celta-Deportivo, gañando na ida o Depor por 3-0 e gañando o Celta en Vigo por idéntico resultado, marcando Casal un dos goles.
Por aquel entón o Celta tamén disputou amigábeis, non só contra equipos das capitais de España e Portugal senón contra a Selección de fútbol do Uruguai, campioa olímpica, e o CA Boca Juniors, precisamente contra este último foi titular Casal acompañando na dianteira a Polo e Chicha.
En 1928 Casal deixa o Celta e retírase do fútbol en activo.
Véxase tamén
[editar | editar a fonte]Ligazóns externas
[editar | editar a fonte]- Berto V. T. (6 de xaneiro de 2013). "Santiago Casal". Yo jugué en el Celta (en castelán).