Nicholas Ray

Nicholas Ray

(1953)
Biografía
Nacemento	7 de agosto de 1911 La Crosse, Estados Unidos de América
Morte	16 de xuño de 1979 (67 anos) Nova York, Estados Unidos de América
Causa da morte	cancro de pulmón
Educación	Universidade de Chicago Lincoln Park High School (en) La Crosse Central High School (en)
Actividade
Ocupación	director de cinema, actor, guionista, realizador
Período de actividade	1948 -
Empregador	Universidade de Binghamton (pt)
Obra
Arquivos en	Centro Harry Ransom [ FI-054]
Familia
Cónxuxe	Gloria Grahame (1948–1952)
Fillos	Anthony Ray

Raymond Nicholas Kienzle, nado en Galesville (Wisconsin) o 7 de agosto de 1911 e finado en Nova York o 16 de xuño de 1979 foi un director de cinema estadounidense, coñecido como Nicholas Ray.

Estudante errático con tendencia á delicuencia e ao alcoholismo, pasou parte da súa adolescencia coa súa irmá máis vella en Chicago. No instituto amosou a súa capacidade de oratoria, conseguindo tamén boas notas en inglés, pero fracasando noutras materias, o que o levou a graduarse no posto 152 dunha promoción de 153 alumnos. Comezou a estudar na University of Chicago en 1931, pero só estivo un semestre polas malas notas e o exceso da bebida. Porén, fixo amizade con Frank Lloyd Wright e Thornton Wilder.

En 1946 dirixiu a súa primeira e única obra de Broadway, Beggar's Holiday, musical de Duke Ellington. O ano seguinte dirixiu o seu primeiro filme, que non obstante tardou dous anos en ser estreado polas caóticas condicións de Howard Hughes.

A súa etapa máis produtiva e triunfal foi na década de 1950, na que dirixiu as súas obras máis recoñecidas, Johnny Guitar e Rebelde sen causa. Porén, os seus problemas coas drogas e o alcohol acabaron por apartalo de Hollywood. Tras desmaiarse durante a rodaxe de 55 días en Pequín en 1963 foi despedido e non volveu dirixir ata mediados da década de 1970.

Pouco tempo antes da súa morte colaborou con Wim Wenders en Lightning Over Water, obra semidocumental sobre o propio Ray.

• Eisenschitz, Bernard (1993). Faber & Faber, ed. Nicholas Ray: An American Journey. ISBN 0-571-14086-6. 
• Frascella, Lawrence; Weisel, Al (2005). Touchstone, ed. Live Fast, Die Young: The Wild Ride of Making Rebel Without a Cause. ISBN 0-7432-6082-1. 
• Andrew, Geoff (2004). British Film Institute, ed. The Films of Nicholas Ray. ISBN 1-8445-7001-0. 

• Nicholas Ray na IMDb (en inglés).
• Senses of Cinema: Great Directors Critical Database
• Fotografías de Mark Goldstein
• Artigo en The New Yorker