Museo de Historia Natural de Londres

Museo de Historia Natural de Londres
Coordenadas	51°29′46″N 0°10′34″O / 51.496111111111, -0.17611111111111
País	Reino Unido
Cidade	Kensington e Chelsea
Director	Doug Gurr, Michael Dixon, Neil Chalmers, Ronald Henderson Hedley, Gordon Frank Claringbull, Terence Morrison-Scott, Gavin De Beer, Norman Boyd Kinnear, Clive Forster-Cooper, Charles Tate Regan, S. F. Harmer, Lazarus Fletcher, Ray Lankester e William Henry Flower
Inauguración	1881
Visitantes	41105.106
Na rede
	http://www.nhm.ac.uk
	[ editar datos en Wikidata ]
	v; c; e;

O Museo de Historia Natural (Natural History Museum) de South Kensington, en Londres, é un dos tres grandes museos localizados na rúa Exhibition Road, en Kensington (os outros dous son o Science Museum e o Victoria and Albert Museum). O museo posúe unha variada colección con máis de 70 millóns de espécimes e obxectos en exposición. As cinco coleccións máis importantes son as correspondentes ás áreas de: botánica, entomoloxía, mineraloxía, paleontoloxía e zooloxía.

Descrición

O museo é coñecido polo seu gran salón central onde se mostran esqueletos de diferentes dinosauros, en particular, un enorme diplodoco que domina a entrada do edificio ademais dun mastodonte atopado na Lagoa de Tagua Tagua da Rexión de O'Higgins de Chile.

Foi construído entre 1873 e 1880 para albergar a crecente colección de esqueletos, plantas e fósiles que constituían unha sección do Museo Británico. Legalmente o museo de historia natural permaneceu como parte do Museo Británico ata 1963. En 1986 absorbeu o próximo Museo Xeolóxico adquirindo o nome oficial de Natural History Museum.