Marcus Ward Lyon

Marcus Ward Lyon

(1917)
Biografía
Nacemento	5 de febreiro de 1875 Rock Island Arsenal, Estados Unidos de América (pt)
Morte	19 de maio de 1942 (67 anos) South Bend, Estados Unidos de América (pt)
Lugar de sepultura	Cemiterio Nacional de Arlington
Educación	Universidade Brown Universidade George Washington Rock Island High School (en)
Actividade
Campo de traballo	Zooloxía, terioloxía, bacterioloxía, patoloxía, Parasitoloxía e Oftalmoloxía
Ocupación	zoólogo, parasitólogo, oftalmólogo, botánico, bacteriólogo, patólogo, conservador, biólogo, escritor
Empregador	Museo Nacional de Historia Natural dos Estados Unidos
Membro de	Asociación Americana para o Avance das Ciencias Phi Beta Kappa
Obra
Abreviación dun autor en botánica	M.W.Lyon
Abreviatura do autor en zooloxía	Lyon
Arquivos en	Universidade de Notre Dame (pt) University of Notre Dame Archives (en)
Familia
Cónxuxe	Martha Maria Brewer Lyon (1902–)
Descrito pola fonte	Nordisk familjebok Indiana Authors and their Books, 1967-1980

Marcus Ward Lyon Jr., nado o 5 de febreiro de 1875 en Rock Island Arsenal (Illinois) e finado o 19 de maio de 1942 en South Bend (Indiana), foi un zoólogo especializado en terioloxía, bacteriólogo e patólogo estadounidense.

Nado nunha familia de militares, demostrou axiña un grande interese na zooloxía, recollendo espécimes da fauna local nos arredores dos destinos do seu pai no exército.

Graduouse na universidade Brown (Providence, Rhode Island) en 1897 e continuou os seus estudos na universidade George Washington (Washington, D.C.), mentres traballaba a tempo parcial no United States National Museum (USNM).^[1] En primeiro lugar foi axudante no departamento de mamíferos e profesor na universidade da cidade. Nesta universidade obtivo o seu título de doutor en medicina en 1902 e, despois, en 1913, o seu Ph. D. (doutor en filosofía).

O 13 de decembro de 1902 casou con Martha Maria Brewer, unión da que nacería unha filla. De 1903 a 1917 ensinou bacterioloxía, patoloxía, medicina veterinaria e parasitoloxía en diversas universidades.

Durante a primeira guerra mundial, en 1917, ingresou no exército dos Estados Unidos, servindo como patólogo no hospital Walter Reed Army Medical Center. En setembro de 1919 pasou á reserva do corpo médico co grao de maior.^[2][3]

En 1919, el e a súa esposa Martha, trasladáronse a South Bend, Indiana, onde traballaron nunha clínica recentemente inaugurada, onde a súa esposa traballou como oftalmóloga. Xa antes de mudarse, Lyon publicara moitos artigos sobre mastozooloxía, durante e despois da súa permanencia no USNM. Nestes traballos describira formalmente seis especies, tres xéneros e unha familia (a dos ptilocércidos).

Unha vez en South Bend, comezou a publicar estudos médicos, pero continuando o seu traballo en mastozooloxía, con especial énfase na fauna local de Indiana, e tamén na flora deste estado. Publicou máis de 160 artigos durante a súa carreira.

Foi membro de diversas sociedades científicas, como a Asociación Americana para o Avance da Ciencia, a Washington Academy of Science, a Sociedade Ecolóxica de América, a Sociedade Americana de Mamaloxistas (na que ostentou a presidencia de 1931 a 1933),^[2] a Unión Americana de Ornitólogos, a Sociedade Americana de Bacteriólogos, a Academia de Ciencias de Indiana. Máis adiante, Lyon converteuse nun conservacionista.

Lyon faleceu o 19 de maio de 1942 en South Bend, Indiana, e está soterrado no Cemiterio Nacional de Arlington.^[3]

• Lyon, Jr., M. W. (1904). "Classification of the hares and their allies". Smithsonian institution publication, no. 1456: 321–447. 
• Lyon, Jr., M. W. (1906). "Mammals of Banka, Mendanau, and Billiton Islands, between Sumatra and Borneo". Proceedings of the United States National Museum 31 (1498): 575–612. 
• Lyon, Jr., M. W. (1906). "Notes on the slow lemurs". Proceedings of the United States National Museum 31 (1494): 527–538. 
• Lyon, Jr., M. W. (1907). "Mammals Collected in Western Borneo by Dr. W. L. Abbott". Proceedings of the United States National Museum 33 (1577): 547–571. 
• Lyon, Jr., M. W.; Osgood, W.H. (1909). "Catalogue of the type-specimens of mammals in the United States National Museum, including the biological survey collection". Bulletin of the United States National Museum 62 (62): i–x, 1–325. 
• Lyon, Jr., M. W. (1913). "Treeshrews: An account of the mammalian family Tupaiidae". Proceedings of the United States National Museum 45 (1976): 1–188. 
• Lyon, Jr., M. W. (1936). "Mammals of Indiana". American midland naturalist 17 (1): 1–384. JSTOR 2420156. 
• Lyon, Jr., M. W. (1939). Conservation from the naturalist's point of view. Year Book. Indiana Audubon Society. 

• A abreviatura M.W.Lyon emprégase para recoñecer a Marcus Ward Lyon como autoridade na descrición e taxonomía en botánica.
• A abreviatura Lyon emprégase para recoñecer a Marcus Ward Lyon como autoridade na descrición e taxonomía en zooloxía.

Wikimedia Commons ten máis contidos multimedia na categoría:  Marcus Ward Lyon

• Allen G. Debus, dir. (1968): World Who’s Who in Science. A Biographical Dictionary of Notable Scientists from Antiquity to the Present. Marquis-Who’s Who (Chicago).