Lausana

Lausana

Lausanne (fr)
Localización
46°32′N 6°38′L / 46.53, 6.63
Estado federado	Suíza
Cantóns	Vaud
District of the canton of Vaud (en)	Distrito de Lausana (pt)
Capital de	Lémanic Republic (en) (1798–1798) Canton of Léman (en) (1798–1803) Vaud (1803–) Distrito de Lausana (pt) (século XX–)
Contén a división administrativa	Ouchy (en)
Poboación
Poboación	141.418 (2022) (3.418,37 hab./km²)
Lingua oficial	lingua francesa
Xeografía
Parte de	Métropole lémanique (en)
Superficie	41,37 km²
Bañado por	Flon (en) , Lago Léman e Talent (en)
Altitude	495 m
Comparte fronteira con	Bottens (pt) Romanel-sur-Lausanne (pt) Pully (pt) Prilly (pt) Saint-Sulpice (pt) Chavannes-près-Renens (pt) Savigny (Suíça) (pt) Cugy (pt) Montpreveyres (pt) Morrens (pt) Jouxtens-Mézery (pt) Cheseaux-sur-Lausanne (pt) Bretigny-sur-Morrens (pt) Le Mont-sur-Lausanne (pt) Crissier (pt) Épalinges (pt) Écublens (pt) Froideville (Suíça) (pt) Renens (pt)
Organización política
• Mayor of Lausanne (en)	Grégoire Junod (pt) (2016–)
Identificador descritivo
Código postal	1000, 1001, 1003, 1004, 1005, 1006, 1007, 1010, 1011, 1012, 1015, 1018 e 1002
Fuso horario	UTC+01:00, horario estándar UTC+02:00 (→ Horário de Verão do Leste Europeu (pt) ), horario de verán
Prefixo telefónico	021
Código de municipio suízo	5586
Outro
Irmandado con	Osijek Moscova Bicaz (pt) Akhisar Pernik (pt) Bangkok (2009–)
Sitio web	lausanne.ch

Lausana (en francés e oficialmente: Lausanne; en arpitano: Losena) é unha cidade suíza de 137.810 habitantes (2016), o que a converte na cuarta cidade do país por poboación, tras Zürich, Xenebra e Basilea. Está situada ó oeste do país, e é capital do cantón de Vaud.

As principais características xeográficas da cidade son o lago de Xenebra e maila súa proximidade coa rexión de Gros-de-Vaud, de grande importancia agro-alimentaria na zona francófona de Suíza. A cidade de Xenebra, coñecida internacionalmente como sede da ONU, atópase tan só a poucos quilómetros de Lausana. Outras cidades como Vevey ou Montreux fan, cada vez máis, parte da "periferia" da cidade.

A orixe da cidade cómpre procurala nun campo militar romano de nome Lousanna, construído non onde está a poboación actual, senón onde agora se atopan as vilas de Vidy e Ouchy. Logo da caída do Imperio Romano, a inseguridade fronteiriza forzou o traslado de Lausana á súa localización actual, un outeiro de máis doada defensa.

Tras a revogación do Edicto de Nantes en 1685, Lausana pasou a ser un refuxio dos hugonotes franceses. Cara a 1750 empezaron a retornar a Francia, ata a fin da persecución oficial dos protestantes franceses en 1787.

Dende o 14 de abril do ano 1803, Lausana converteuse oficialmente en capital cantonal do Estado de Vaud, este mesmo integrado na confederación Suíza, segundo a constitución da rexión. No ámbito internacional esta cidade acadou o seu renome grazas, entre outros aspectos, á Sede do Comité Olímpico Internacional

A lingua oficial tanto da vila coma do cantón é o francés. No tocante á relixión, o catolicismo é a relixión do 38% dos habitantes da cidade, mentres que o 27% son protestantes. Un 17% di non profesar ningunha relixión. A terceira confesión é a musulmá, cun 6% de fieis.

Como cidade universitaria, goza de popularidade entre a xente nova. Ademais, son moitas as institucións educativas, suízas e internacionais, que teñen a súa central na cidade.

• Catedral de Lausana, chamada Catedral de Notre Dame. É un templo gótico erguido entre 1170 e 1240. A porta oeste foi engadida posteriormente en estilo gótico flamíxero.
• Museo Olímpico. Acolle exposicións permanentes e temporais de obxectos relacionados co deporte e o movemento olímpico, ademais dos arquivos do Comité Olímpico Internacional, cuxa sede está na cidade. Con máis de 10.000 pezas, o museo é o arquivo máis grande das Olimpíadas no mundo, entre as que salientan pezas escultóricas de Auguste Rodin ou Fernando Botero. Foi creado en 1993 por iniciativa de Juan Antonio Samaranch.

Wikimedia Commons ten máis contidos multimedia na categoría:  Lausana

• Museo Monetario Cantonal de Lausana

• Páxina do concello de Lausana