Halle

Halle

Halle (Saale) (de)
Brasón
Localización
51°28′58″N 11°58′11″L / 51.4828, 11.9697
Estado	Alemaña
Estado federado	Saxonia-Anhalt - Sachsen-Anhalt
Capital de	Saalkreis (en) Halle District (en)
Poboación
Poboación	242.172 (2023) (1.793,47 hab./km²)
Xeografía
Superficie	135,03 km²
Bañado por	Saale e Weisse Elster (en)
Altitude	87 m-110 m
Comparte fronteira con	Saalekreis (pt)
Organización política
• Xefe do goberno	Bernd Wiegand (2012–)
Membro de	Bund der Lutherstädte (en) Aliança Climática (pt) (1993–) Alcaldes pola Paz (2007–)
Identificador descritivo
Código postal	06108–06132
Fuso horario	UTC+01:00, horario estándar UTC+02:00, horario de verán
Prefixo telefónico	0345
Código NUTS	DEE02
Número de municipio alemán	15002000
Outro
Irmandado con	Savannah Oulu (1972–) Coímbra (1975–) Linz (1975–) Grenoble (1976–) Karlsruhe (1987–) Hildesheim (1990–) Ufa (1997–) Jiaxing (pt) (2009–) Sfax (2014–)
Sitio web	halle.de

Halle é a cidade máis grande do Bundesland (estado federal) de Saxonia-Anhalt e a quinta máis grande de Alemaña oriental. Halle atópase no sur do estado federal nas ourelas do río Saale. A cidade é o centro cultural do estado federal e o centro económico de Saxonia-Anhalt do sur.

O nome de Halle deriva do alemán antigo e quere dicir "sal". As fontes de auga salgada de Halle son produto dunha situación xeolóxica especial, a chamada falla da praza do mercado de Halle foi empregada en tempos remotos, como o demostran as novas escavacións arqueolóxicas feitas na área da praza do mercado, que corroboran a importancia do sal para a cidade. O sal era a principal actividade comercial da cidade, como en moitas cidades na Idade Media. Actualmente o sal non representa un comercio importante, mais como proba da súa importancia no pasado, fundouse un museo no chamado Saline xunto o río Saale.

August Hermann Francke tivo unha grande influencia e fundou un orfanato no que albergou a máis de 1000 nenos. É coñecido como o fundador do pietismo. Hoxe a área do orfanato é unha cidade escolar onde se atopan diferentes tipos de escolas, institutos e bibliotecas da Universidade, unha biblioteca histórica, unha gardaría de nenos, un museo, unha librería e a Fundación da Cultura da República Federal de Alemaña.

En Halle viviu durante pouco tempo Martiño Lutero; na rúa "Rannische Straße" colocouse unha placa conmemorativa na fachada da casa. A cidade é tamén coñecida por ser a cidade de orixe do baixista da banda Tokio Hotel, Georg Listing.

Na Halle sufriu moitos danos na súa periferia, debido a que no sur da cidade se atopaban as fábricas químicas (Leuna). O centro da cidade case non foi bombardeado e hoxe en día presume de ter o conxunto de edificios catalogados de Alemaña.

Entre 1949 e 1990, Halle formou parte da República Democrática Alemá (RDA).

Esta cidade tiña no ano 2012 unha taxa de desemprego do 10,3%.^[1] A metalurxia é un sector clave na localidade, como tamén o é a Universidade (Universidade Martiño Lutero de Halle-Wittenberg), que en 2011 tiña 20.872 estudantes.^[2]

O famoso compositor de música clásica Georg Friedrich Händel naceu e viviu ata os 18 anos en Halle.^[3] Actualmente pódese visitar a súa casa, convertida en museo.

A maior parte da poboación de Halle non profesa relixión ningunha. A igrexa evanxélica e a católica teñen presenza formal e histórica. O colexio cristián máis famoso é o Elisabeth-Gymnasium.

Os franciscanos en Halle levan a cabo a tarefa da logoterapia, unha nova terapia desenvolta a finais da segunda guerra mundial, principalmente por superviventes dos campos de concentración.

Cidades irmandadas
	Oulu	Finlandia	1972
	Linz	Austria	1975
	Coímbra	Portugal	1976
	Grenoble	Francia	1976
	Karlsruhe	Alemaña	1987
	Hildesheim	Alemaña	1990
	Ufa	Rusia	1997
	Jiaxing	República Popular da China	2009
	Savannah	Estados Unidos	2011

• Igrexias dos século XIV e século XVI. Igrexa na Praza do mercado Marktkirche, a catedral, a igrexa de San Mauricio Moritzkirche
• Museos e casa natal de Haendel^[4]
• Castelo de Moritzburg^[5]
• A fábrica de chocolate máis antiga de Alemaña: Halloren. A especialidade da chocolatería Halloren é o chamado "Halloren Kugel", que é un chocolate recheo de mousse de diferentes sabores.
• Museo da fábrica de sal Saline.^[6]
• Praza do Mercado (Marktplatz).

Wikimedia Commons ten máis contidos multimedia na categoría:  Halle

• Halle (Westfalia)

• Páxina web oficial Arquivado 18 de decembro de 2010 en Wayback Machine.