François Thierry

François Thierry de Crussol

Biografía
Nacemento	17 de agosto de 1950
Conservador Gabinete de Medallas da Biblioteca Nacional de Francia
1989 – 2015
Datos persoais
País de nacionalidade	Francia
Q89547790	Conservador do Gabinete de Medallas da BNF.
Actividade
Campo de traballo	Numismática do Extremo Oriente
Ocupación	conservador, numismático
Influencias en	Lyce Jankowski
Premios
– 2006: Medalla da Royal Numismatic Society. – 2018: Premio Hirayama. – 2024: Premio Lhotka (RNS).
Lista (2006)  Medalla da Royal Numismatic Society

François Thierry de Crussol, nado o 17 de agosto de 1950^[1], é un numismático francés de ascendencia chinesa (o seu nome en chinés é 蒂埃里 Di Ali), especializado na moeda do Extremo Oriente.^[2]

Thierry estudou Historia na Universidade da Sorbona (París 7) onde se graduou en 1975, cunha tese de licenciatura centrada nas relacións entre o poder e o exército en Turquía no período 1876-1918. O ano seguinte presentou unha nova tese sobre o movemento nacional kurdo na fin do Imperio Otomán. Entre 1982 e 1986 focalizou a súa formación na aprendizaxe de linguas e culturas do Extremo Oriente, en particular da China e do Vietnam.^[2]

Logo de acadar a súa acreditación como profesor universitario, comezou as súas investigacións sobre a moeda chinesa e pasou a integrarse no Museo da Administración de Moedas e Medallas (Musée de l'Administration des Monnaies et Médailles), onde entre 1984 e 1986 levou a cabo a publicación das coleccións do Extremo Oriente procedentes do tesouro Huê.^[2]

En 1986 correu a cargo tamén da publicación do catálogo das moedas vietnamitas do Gabinete de Medallas da Biblioteca Nacional de Francia, en París, institución na que foi nomeado conservador de moedas orientais en 1989, conservador xefe en 1993 e conservador xeral en 2009.^[2]

As súas investigacións na BNF centráronse en aspectos como as moedas chinesas da dinastía Song (960-1279), as vietnamitas e as turcas do período preislámico. Na actualidade, Thierry é conservador honorario do Gabinete de Medallas da Biblioteca Nacional de Francia, desde a súa xubilación en 2015.^[2]

Entre outras institucións, Thierry é membro da Société française de numismatique, de París, e da Royal Numismatic Society, de Londres.^[2]

• 2006: Medallla da Royal Numismatic Society, polo seu estudo titulado The Identification of the Nguyen Thong coins in the monetary law of the sixth year of Canh Hung (Vietnam 1745).^[2][3][4]
• 2018: Premio Hirayama, da Académie des Inscriptions et Belles Lettres, pola súa publicación Les monnaies de la Chine ancienne, des origines à la fin de l’Empire.^[2][5]
• 2024. Premio Lhotka, da Royal Numismatic Society.^[6]

Estas son algunhas das publicacións máis salientables de François Thierry:^[7][8]

Escolma de monografías

• (1986): Monnaies d'Extrême Orient. París. Administration des monnaies et médailles. ISBN 978-2110808707
• (1987): Catalogue des monnaies vietnamiennes. París. BNF. ISBN 9782717717648
• (1987): Amulettes de Chine et du Vietnam, rites magiques et symbolique de la Chine ancienne. París. Le Léopard d’or. ISBN 978-2863770566
• (1992): Monnaies de Chine. París. BNF. ISBN 978-2717718683
• (1995): Les monnaies chinoises de Pacifique Chardin. Lille. Musée d'histoire naturelle.
• (1997): Monnaies chinoises, I: L’Antiquité préimpériale. París. BNF. ISBN 9782717719871
• (2001): (con M. Amandry et al.) Dictionnaire de Numismatique. París. Larousse. ISBN 978-2035833105
• (2002): Catalogue des monnaies vietnamiennes. Supplément. París. BNF. ISBN 9782717721553
• (2003): Monnaies chinoises, II: Des Qin aux Cinq Dynasties. París. BNF. ISBN 978-2717722390
• (2013): La Ruine du Qin, Ascension, triomphe et mort du premier empereur de Chine. París. La Librairie Vuibert. ISBN 978-2311010329
• (2014): Le Trésor de Huê, Une face cachée de la colonisation de l’Indochine. París. Nouveau Monde éditions. ISBN 978-2369420415
• (2014): Monnaies chinoises, IV: Des Liao aux Ming du Sud. París. BNF. ISBN 978-2-7177-2560-5
• (2016): Royaume du lion, ceylan connu des chinois des origines à la fin des song. Turnhout. Brepols Publishers. ISBN 978-2-503-56802-7
• (2016): (con A. C. Fang) The Language and Iconography of Chinese Coin Charms: Deciphering a Past Belief System. Berlín. Springer. ISBN 978-981-10-1791-9
• (2017): Les monnaies de la Chine ancienne, des origines à la fin de l’Empire. París. Les Belles-Lettres. ISBN 978-2251446868

Escolma de artigos

• (1998): "Les monnaies de Boquq Qaghan des ouïgours (795-808)". En Turcica. Vol. 30. N^o 0. Association pour le Développement des Etudes Turques. Páxinas 263-278. ISSN 0082-6847
• (2007): "Identification of the Nguyên Thông Coins of the C?nh Hirng Period (1740 -1786)". En Numismatic Chronicle. 167. Royal Numismatic Society. Páxinas 237-241.
• (2011): "The Confucian Message on Vietnamese Coins A closer look at the Nguy?n dynasty's large coins with moral maxims". En Numismatic Chronicle. 171. Royal Numismatic Society. Páxinas 367-406.

• Gabinete de Medallas da Biblioteca Nacional de Francia
• Biblioteca Nacional de Francia