Estación de Cidade Real

Ciudad Real-Central
Estación Central de Cidade Real.
Situación	Cidade Real
Liñas
Alta velocidade
Longa Distancia	Longa distancia
Media distancia	Media distancia

A estación de Cidade Real (en castelán: Ciudad Real), tamén coñecida como Ciudad Real-Central, é unha estación de tren situada da cidade de Cidade Real, en Castela-A Mancha. Construíuse no ano 1991 entrando en funcionamento ao ano seguinte coa inauguración do tren de Alta Velocidade Española (AVE) entre Madrid e Sevilla con parada en Cidade Real e Córdoba.

Actualmente supón un importante nó de comunicacións ferroviario con conexión á alta velocidade, trens de longo percorrido, media distancia e proximidades. Realizando traxectos cara a Levante (Alacant, Barcelona), Badaxoz, Málaga e outras localidades do sur peninsular.

A estación que se atopa situada a 633,84 metros de altitude forma parte dos trazados das seguintes liñas de ferrocarril:

• Liña férrea de ancho ibérico Manzanares-Cidade Real, punto quilométrico 262.^[1]
• Liña férrea de ancho ibérico Cidade Real-Badaxoz, punto quilométrico 175.^[1] Aínda que este trazado nace na cidade manchega o quilómetro cero toma como referencia Madrid.
• Liña férrea de ancho internacional e alta velocidade Madrid-Sevilla punto quilométrico 170,748.^[2]

O ferrocarril chegou a Cidade Real o 14 de marzo de 1861 coa apertura do tramo Almagro-Cidade Real da liña que prolongaba ata a cidade a liña férrea que viña desde Alcázar de San Juan.^[3] MZA impulsora da liña construíu inicialmente un edificio provisional que foi substituído en 1880 por un de segunda clase que absorbía xa non só o tráfico orixinal desde Alcázar senón tamén o xerado de desde o oeste (Badaxoz) e o sur (Córdoba) cara a onde se prolongou a rede existente. O edificio orixinal, de base rectangular e dúas plantas abarcaba unha superficie total de 450 m² e lucía unhas fachadas de ladrillo visto con cubertas de lousa.^[4]​ Co paso dos anos a estación sufriu máis modificacións que a foron adaptando ás necesidades do tráfico. En 1941, a nacionalización do ferrocarril en España supuxo a desaparación de MZA e a súa integración na recentemente creada RENFE.

En 1991 iniciouse a construción dunha nova estación para dar servizo á primeira liña de alta velocidade construída en España, a Madrid-Sevilla. O recinto foi inaugurado un ano despois integrándose nel o novo trazado e o trazado convencional. Desde o 31 de decembro de 2004 Renfe Operadora explota as liñas existentes mentres que Adif é a titular das instalacións ferroviarias incluíndo a estación.

O edificio, levantado en 1992, é unha ampla estrutura de tres alturas formado por un corpo triangular e dous anexos laterais de diferente lonxitude. Posúe un vestíbulo de importantes dimensións cuberto por un longo biolo con forma de pirámide. Conta con puntos de información, venda de billetes, máquinas expendedoras, aseos, e varios locais comerciais entre os que hai cafeterías e restaurantes, tendas de agasallos, puntos de información turística, empresas de alugueiro de coches e servizos bancarios.

O acceso ás plataformas, unha lateral e dúas centrais, realízase principalmente grazas a escaleiras mecánicas dado que os mesmos atópanse sobre unha plataforma elevada. Foi dotada con catro vías de ancho internacional (dous sen acceso a plataforma) e tres vías de ancho ibérico. Estas última teñen a particularidade de ser terminais o que obriga aos trens convencionais que queiran continuar o seu traxecto para investir a súa marcha. Iso non sucede cos trens de alta velocidade xa que as catro vías de alta velocidade son pasantes.

No exterior dispón de varias zonas de aparcadoiro habilitadas, así como paradas de taxi e autobuses urbanos.