Acrocefálidos

Acrocefálidos Acrocephalidae
Acrocephalus arundinaceus
Clasificación científica
Reino: Animalia Filo: Chordata Clase: Aves Orde: Passeriformes Suborde: Passeri Infraorde: Passerida Superfamilia: Sylvioidea Familia: Acrocephalidae Salvin, 1882
Xéneros
Véxase o texto

A dos acrocefálidos (Acrocephalidae) é unha familia de aves da orde dos paseriformes,^[1] suborde dos páseros, infraorde dos paséridos e da superfamilia dos silvioideos.

A familia está integrada por 5 xéneros que agrupan unhas 60 especies coñecidas vulgarmente como folosas,^[2] que antigamente estaban incluídas na familia dos sílvidos.

As especies desta familia adoitan seren paxaros bastante grandes, a maioría de cor parda olivácea nas partes superiores, mentres que a das partes inferiores varían da amarela á abrancazada.

Adoitan encontrarse en bosques abertos, xunqueiras e campos con herbas altas.

Os membros da familia están presentes no Vello Mundo, principalmente na Eurasia meridional e occidental e nas súas proximidades (ten algúns representantes en África), aínda que outros tamén se estenden até Oceanía.

A familia foi descrita en 1882 polo ornitólogo e herpetólogo británico Osbert Salvin.

O nome científico Acrocephalidae está formado sobre a base da raíz do nome do seu xénero tipo, Acrocephalus, coa adición da desinencia do latín científico -ideae, tirada da foma do grego antigo -ειδής, -eidḗs, da raíz de εἶδος, eĩdos "forma", "aspecto", "aparencia", usada para a formación dos nomes das familias de animais.

Pola súa parte, o nome Acrocephalus está formado polos elementos do latín científico acro- e -cephalus, derivados dos termos do grego antigo ἄκρος ákros, "agudo", "acabado en punta", "extremo", "punta", e κεφαλή cephalḗ, "cabeza", respectivamente.

Segundo o ITIS, na actualidade recoñécense na familia os 5 xéneros seguintes:^[3]

• Acrocephalus J. A. Naumann & J. F. Naumann, 1811
• Calamonastides Grant & Mackworth-Praed, 1940
• Hippolais Conrad von Baldenstein, 1827
• Iduna Keyserling & J. H. Blasius, 1840
• Nesillas Oberholser, 1899

Wikimedia Commons ten máis contidos multimedia na categoría:  Acrocefálidos

Wikispecies posúe unha páxina sobre:  Acrocefálidos

• del Hoyo, J.; Collar, N. J.; Christie, D. A.; Elliott, A.; Fishpool, L. D. C.; Boesman, P. & Kirwan, G. M. (2016): HBW and BirdLife International Illustrated Checklist of the Birds of the World. Volume 2: Passerines. Bellaterra (Barcelona): Lynx Edicions ISBN 978-84-96553-98-9.
• Fregina, S.; Haasea, M.; Olsson, U. & Alström, P. (2009): "Multi-locus phylogeny of the family Acrocephalidae (Aves: Passeriformes) – The traditional taxonomy overthrown". Molecular Phylogenetics and Evolution 52 (3): 866–878. (Resumo)

• Paseriformes
• Páseros
• Paséridos
• Silvioideos

• Acrocephalidae na EOL.
• Famille des Acrocephalidae en Oiseaux.net (en francés).
• 61 Reed Warblers and allies Family Acrocephalidae na IOC World Bird List (Lista das aves do mundo, do International Ornithological Congress).