CD14
| |
| CD14 baseado en PDB 1WWL | |
CD14
| |
| Identificadores | |
| Símbolo | CD14 |
| Símbolos alt. | antíxeno CD14 |
| Entrez | 929 |
| HUGO | 1628 |
| OMIM | |
| UniProt | P08571 |
| Outros datos | |
| Locus | Cr. 5 q22-32 |
O CD14 (cluster de diferenciación 14) é unha proteína do sistema inmunitario innato codificada en humanos polo xene CD14 do cromosoma 5, que é un marcador de superficie celular e receptor.[1][2]
Esta proteína CD14 pode existir en dúas formas: como proteína ancorada na membrana por unha cola glicosilfosfatidilinositol (chamada mCD14) ou como proteína soluble (chamada sCD14). O CD14 soluble aparece ao desprenderse da membrana o mCD14 (48 kDa) ou é segregada directamente procedente de vesículas intracelulares (56 kDa).[3]
O CD14 foi o primeiro receptor de recoñecemento de padrón que foi descrito.
Función
[editar | editar a fonte]O CD14 actúa como correceptor (xunto co receptor de tipo Toll TLR 4 e MD-2) na detección do lipopolisacárido (LPS) bacteriano.[4][5] O CD14 pode unirse ao LPS só en presenza de proteína de unión ao lipopolisacárido (LBP). Aínda que o LPS se considera o seu principal ligando, o CD14 tamén recoñece outros padróns moleculares asociados a patóxenos.
Distribución nos tecidos
[editar | editar a fonte]O CD14 exprésase principalmente en macrófagos e (nun grao 10 veces menor) en neutrófilos. Tamén se expresa en células dendríticas. Baixas concentracións da forma soluble sCD14 segregada polo fígado e monocitos son dabondo para conferir sensibilidade ao LPS a células que doutro modo non expresan o CD14. O sCD14 está tamén presente no leite humano, no cal se cre serve para regular o crecemento microbiano no intestino do neno lactante.
Diferenciación
[editar | editar a fonte]O nivel de expresión de CD14 nos monocitos (comparado co CD16) utilízase para saber o grao de diferenciación e tipos destas células (monocitos clásicos, non clásicos e intermedios). Os linfocitos CD14+ CD16++ (con máis CD16 ca CD14) estimulados por produtos bacterianos producen citocinas.[6]
Interaccións
[editar | editar a fonte]O CD14 interacciona coa proteína de unión ao lipopolisacárido.[7][8]
Notas
[editar | editar a fonte]- ↑ Setoguchi M, Nasu N, Yoshida S, Higuchi Y, Akizuki S, Yamamoto S (1989). "Mouse and human CD14 (myeloid cell-specific leucine-rich glycoprotein) primary structure deduced from cDNA clones". Biochim. Biophys. Acta 1008 (2): 213–22. PMID 2472171. doi:10.1016/0167-4781(80)90012-3.
- ↑ Simmons DL, Tan S, Tenen DG, Nicholson-Weller A, Seed B (1 January 1989). "Monocyte antigen CD14 is a phospholipid anchored membrane protein". Blood 73 (1): 284–9. PMID 2462937.
- ↑ Kirkland TN, Viriyakosol S (1998). "Structure-function analysis of soluble and membrane-bound CD14". Prog. Clin. Biol. Res. 397: 79–87. PMID 9575549.
- ↑ Kitchens RL (2000). "Role of CD14 in cellular recognition of bacterial lipopolysaccharides". Chem. Immunol. Chemical Immunology and Allergy 74: 61–82. ISBN 3-8055-6917-3. PMID 10608082. doi:10.1159/000058750.
- ↑ Tapping RI, Tobias PS (2000). "Soluble CD14-mediated cellular responses to lipopolysaccharide". Chem. Immunol. Chemical Immunology and Allergy 74: 108–21. ISBN 3-8055-6917-3. PMID 10608084. doi:10.1159/000058751.
- ↑ Loems Ziegler-Heitbrock, Petronela Ancuta, Suzanne Crowe, Marc Dalod, Veronika Grau, Derek N. Hart, Pieter J. M. Leenen, Yong-Jun Liu, Gordon MacPherson, Gwendalyn J. Randolph, Juergen Scherberich, Juergen Schmitz, Ken Shortman, Silvano Sozzani, Herbert Strobl, Marek Zembala, Jonathan M. Austyn, Manfred B. Lutz. Nomenclature of monocytes and dendritic cells in blood. Blood. doi: 10.1182/blood-2010-02-258558. October 21, 2010 vol. 116 no. 16 e74-e80. [1] Arquivado 12 de setembro de 2019 en Wayback Machine.
- ↑ Thomas, Celestine J; Kapoor Mili, Sharma Shilpi, Bausinger Huguette, Zyilan Umit, Lipsker Dan, Hanau Daniel, Surolia Avadhesha (2002). "Evidence of a trimolecular complex involving LPS, LPS binding protein and soluble CD14 as an effector of LPS response". FEBS Lett. (Netherlands) 531 (2): 184–8. ISSN 0014-5793. PMID 12417309. doi:10.1016/S0014-5793(02)03499-3.
- ↑ Yu, B; Wright S D (1995). "LPS-dependent interaction of Mac-2-binding protein with immobilized CD14". J. Inflamm. (UNITED STATES) 45 (2): 115–25. ISSN 1078-7852. PMID 7583357.
Véxase tamén
[editar | editar a fonte]Ligazóns externas
[editar | editar a fonte]- MeshName - CD14+Antigens [2]
- Mapa dos antíxenos CD de rato
- Mapa dos antíxenos CD humanos
Bibliografía
[editar | editar a fonte]- Todd RF, Petty HR (1997). "Beta 2 (CD11/CD18) integrins can serve as signaling partners for other leukocyte receptors". J. Lab. Clin. Med. 129 (5): 492–8. PMID 9142045. doi:10.1016/S0022-2143(97)90003-2.
