seco

• Pronuncia: [ˈse.kʊ] (AFI)

seco (ms: seco; mpl: secos; fs: seca; fpl: secas)

1. Carente de humidade.
   • Sinónimos: enxoito.
   • Antónimos: húmido, mollado.
2. [Clima, país, rexión, etc.] que se caracteriza pola escaseza de chuvias e humidade.
   • Antónimos: chuvioso, húmido.
3. [Cabelo, pel, etc.] que produce poucas secrecións.
   • Antónimos: graxo.
4. Que non deixa opción a réplica.
   • Sinónimos: definitivo, rotundo.
5. [Son] que non resoa.
6. [Bebida] de sabor pouco ou nada doce.
7. (Figurado) Sen acompañamento.
   • Sinónimos: só.
8. De pouca carne.
   • Sinónimos: fraco.
9. Pouco amable.
   • Sinónimos: de poucas palabras, inexpresivo.
10. (Alimentación) Dise do viño que ten un contido de azucre residual inferior a 5 g/l.
    • Termos relacionados: viño seco.
11. (Alimentación) Dise do viño espumoso que ten un contido de azucre residual entre 17 e 35 g/l.

seco

1. Definición impropia: primeira persoa do singular do tempo presente do verbo «secar».

seco (ms: seco; mpl: secos; fs: seca; fpl: secas)

1. Definición impropia: participio irregular do verbo «secar».