ou

• Etimoloxía: do latín aut.

• Pronuncia: /ow/ (AFI)

ou

1. Con valor disxuntivo expresa unha alternativa.
   • Exemplo: Queres que ceemos ou queres que baixemos?, Flores amarelas ou brancas.
     
     
2. Entre dúas cifras pode indicar avaliación aproximativa.
   • Exemplo: Serían as dúas ou dúas e media.
     
     
3. Despois dunha afirmación expresa rectificación, explicación, etc., do que se vén de dicir.
   • Exemplo: O avó é carpinteiro, ou foino.
     
     
4. Indica que as formas que une designan a mesma cousa.
   • Exemplo: O sabugueiro ou bieiteiro considerábase árbore sagrada.
     
     
5. Nexo de dúas cláusulas, cando a primeira expresa unha orde ou consello, e a segunda as consecuencias de non seguilo.
   • Exemplo: Ou o deixas saír ou te denuncio, ¡Sácateme de diante ou arréoche!
     
     
6. Introduce unha explicación ou xustificación da afirmación que se acaba de facer.
   • Exemplo: Tan incompetente non é, ou non a chamarían.
     
     

• Alemán: oder ^(de)
• Castelán: o ^(es).
• Croata: ili ^(hr).
• Francés: ou ^(fr).
• Inglés: or ^(en).
• Italiano: o ^(it).
• Portugués: ou ^(pt).

• Etimoloxía: Onomatopeia

1. Expresión de admiración, sorpresa, dor.
   • Exemplo: ¡Ou, que guapa estás!
     
     
2. Exclamación para chama-la atención dalguén.
   • Exemplo: Ou, ti, ¿que fas?
     
     
3. Partícula que reforza as interrogacións.
   • Exemplo: ¿Estarás contento, ou?
     
     

• Castelán: ¡oh! (es)

Esta páxina procede da Galipedia. A páxina xunto co seu historial completo procede da Galipedia e polo de agora está pendente de formatar de acordo coas regras do Galizionario.

OU símbolo

"OU" (en maiúsculas) é o distintivo das antigas matrículas de automóbiles para Ourense; a súa implementación estivo envolveita en polémica debido a que foi unha esixencia cidadá (axudada polos propios impresores de placas) que se elevou a rango de lei coa oficialidade a nivel estatal da denominación galega e catalá das capitais provinciais. Xunto con "OU" cambiáronse "IB" (de Illas Baleares) e mais "GI" (de Girona), pero a súa influencia mediática foi atenuada pronto polo cambio de codificación nas matrículas.

A principal campaña con repercusión social levouna a cabo a Mesa pola Normalización Lingüística. Na cidade das Burgas, a reivindicación realizouse con adhesivos que mesmo se superpuñan ó "OR" orixinal da placa. (v. tamén polémica do Seat Arosa).