Guatavita (Cundinamarca)

Guatavita gun bhratach Gearradh-arm no Seula
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Cundinamarca
Sgìre	Guavio
Àirde	2680m
Co-chomharran	04° 56' 10' Tuath 73° 50' 06' Iar
Feartan fiosaigeach
Farsaingeachd	247 km²
Àireamh-shluaigh	6,685 (2005)
Dlùths	27.06/km²
Duilleag oifigeil	Comhairle a’ Bhaile

'S e baile beag ann an Cundinamarca,^[1] Coloimbia,^[2] a th’ ann Guatavita. Tha e suidhichte ann am meadhan na dùthcha aig 2,680m os cionn ìre na mara agus agus 57km air falbh bho Bhogotá, prìomh-bhaile na dùthcha. 'S e baile le gnàth-shìde caran fuar a th' ann agus tha teodhachd mheadhanach dmu 14˚ aige, rè na bliadhna. Chaidh am baile a stèidheachadh ann an 1593.

Bha an sàr chànanaiche Joaquín Acosta Ortegón dhen bheachd gur e ainm Chibcha a th' ann Guatavita, mar as àbhaist ann an Cundinamarca. Tha e a' ciallachadh Treabhadh Taobh Thall a' Chnuic bho trì faclan ann an Chibcha: Gua – Ta - Vita.^[3]

Tha 6,685 nan tàmh anns a' bhaile fa leth, ach tha a’ mhòr-chuid dhuibh, neo 4,914, a’ fuireach thall anns na sgìrean dùthchasail am broinn crìochan a' bhaile.^[4] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[5] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Le sin ‘s e pàtran àireimh-shluaigh traidiseanta a th’ ann fhathast ann an Guatavita.

Taobh chinnidh, ' s e daoine geala/mestizos a th' ann a' mhòr-chuid dhe na daoine ann am Guatavita, ach tha 0.1% dhe daoine le freumhan ann an Afraga. ' S urrainn dhan 92.5% dhe na daoine ann am Guatavita leughadh agus sgrìobhadh. A tuilleadh air sin, tha fòn aig an taigh aig 19.1% dhe na dachannan.^[6]

Thathar a’ cumail am iomadach seòrsa dhe fhèis ann an Guatavita. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,^[7] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis an Neo-eisimeileachd: 20mh An t-Iuchar.
• A' Chàisg.

• An t-sìde ann an Guatavita (Bogotá)

1. ↑ Mapa na Roinnean
2. ↑ Dùthchannan aig SMO
3. ↑ Guatavita Indígena
4. ↑ Figearan Oifis a' Chunntas-sluaigh
5. ↑ Colombia Virtual
6. ↑ Bileag fhiosrachaidh DANE
7. ↑ Country Studies: Colombia