Soria

Soria Bratach a' bhaile Gearradh-arm no Seula
Suidheachadh
Dùthaich	An Spàinn
Ceàrn	Soria
Sgìre	Castilla y León
Co-chomharran	41° 30' 56' Tuath 05° 44' 00' Ear
Feartan fiosaigeach
Farsaingeachd	271.77 km²
Àireamh-shluaigh	39,168 (2009)
Dlùths	144.12/km²
Àireamh fòn	+ 34 975
Duilleag oifigeil	Duilleag Oifigeil

’S e baile meadhanach faisg air Logroño ann an cridhe na Spàinne a th’ ann an Soria (IPA: soɾja). Tha e suidhichte aig 1,065m os cionn ìre na mara,^[1] 227km air falbh bho Mhadrid, prìomh-bhaile na Spàinne, agus 466km bho Bharcelona.^[2] Tha 39,168 daoine a’ fuireach ann an Soria.^[3] A bharrachd air sin, ‘s e prìomh-bhaile na Roinne Soria a th’ann cuideachd.

'S ann connspaideach 's a tha freumh-fhaclachd an ainm. Tha cuid dhen bheachd gur ann à ainm na h'aibhne Duero (Durius ann an Laideann), a tha a' sruthadh tron bhaile. Le sin, dh'atharraicheadh an d gu s fad nan linntean, às aonais an co-fhuaimreag ue anns an Spàinntis.^[4] A dh'aindeoin sin, tha cuid eile a' cantainn nach eil an t-ainm idir nas aosda na na meadhan aoisean agus gur mathaid gur ann à so (Gàidhlig: Tùr na Faire) agus ura (Gàidhlig: abhainn) ann am Basgais. Tha teòiridh eile ann a chanas gu robh baile ann o chionn fhada air an robh Oria - bhon ainm Dorios ann an Greugais - a thug ainm dhan sgìre, ged nach eil ach glè bheag de dhaoine a tha a' gabhail ri sin an latha an-diugh.

B' e na h-Ibearaich o shean a stèidhich am baile. Cuairtich na Ròmanaich e agus thug na daoine ùthachd asta fhèin gus tràilleachd a sheachnadh. Ann an 1492 dh' adhbhraich èigheachd rìoghail an aghaidh nan Iùdhach sgrios air eaconomaidh a' bhaile.Mar a b’àbhaist san Spàinn, chuireadh ainm a’ bhaile air an roinn nuair a chaidh a stèidheachadh ann an 1833.^[5] Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.^[6]

A rèir figearan an Riaghlatais, 's e an t-Iuchar a' mhìos as teotha agus e am Faoilleach a' mhìos as fhuaire ann an Soria.^[7] Cha tuit ach 512mm de dh'uisge air a' bhaile fad na bliadhna - 756mm nas lugha na Steòrnabhagh - leis gur e àite àrd, tioram a th' annː

• Collioure^[8]

1. ↑ Aemet
2. ↑ Distance Calculator
3. ↑ Cunntas-sluaigh na Spàinne
4. ↑ Martínez Hernando M.C., Los Orígenes de la ciudad de Soria
5. ↑ Ethnoterritorial Concurrence and Imperfect Federalism in Spain
6. ↑ Hurtado V., La Sublevación, 2010, Barcelona: DAU. ISBN 978-84-936625-6-1
7. ↑ Aemet
8. ↑ Femp

• Riaghaltas na Roinne
• Riaghaltas na Coimhearsnachd le Fèin-riaghlaidh