Biafra

Ba stát in iarthar na hAfraice a scar ón Nigéir sa bhliain 1967 é Biafra.^[1]

Biafra
Republic of Biafra (en)
Bratach
Aintiún	Land of the Rising Sun
Suíomh
6° 27′ N, 7° 30′ E / 6.45°N,7.5°E / 6.45; 7.5
Príomhchathair	Enugu, Owerri agus Umuahia
Daonra
Iomlán	13,500,000
• Dlús	174.63 hab./km²
Teanga oifigiúil	an Íogbóis Béarla
Reiligiún	an Chríostaíocht agus anamachas
Tíreolaíocht
Achar dromchla	77,306 km²
Sonraí stairiúla
Cruthú	1967
Díscaoileadh	1970
Eagraíocht pholaitiúil
Córas rialtais	poblacht
Eacnamaíocht
Airgeadra	punt Bhiafra

Fuair sé a ainm ó Bhiochta Bhiafra atá suite ó dheas ó oirdheisceart na Nigéire agus siar ó Chamarún agus an Ghabúin.

Sa bhliain 1967, d'fhógair cúige Oirthear na Nigéire go raibh neamhspleáchas bainte amach aige, agus thugadar Biafra nó Poblacht Bhiafra orthu féin. Is sa cheantar seo a bhí go leor misinéirí, idir shagairt agus mhná rialta, ag obair. Theip ar an ngluaiseacht agus tar éis dianchogadh, cuireadh deireadh leis an stát nua sa bhliain 1970.

Ba den chine Igbo iad formhór na ndaoine. Bhí sagairt agus easpaig ó Chuallacht an Spioraid Naomh (C.S.Sp) ann ina measc ó thús an chéid sin. Cáil ar chuid acu, an tEaspag Joseph Shanahan (1871–1943) a chaith a shaol ann ó 1902 ina measc. Bhí cuallachtaí eile i measc na dtreibheanna eile sa cheantar — Efik, Ibibio, Annang, Ejagham, Eket, Ibeno agus na hIjaw.

Cé go bhfuair an stát nua aitheantas agus cabhair ó roinnt tíortha sa Afraic, d'éirigh le Rialtas na Nigéire cosc a chur ar chúnamh bia, agus tharla gorta mór ann. Fuair dhá mhilliún duine bás sa chogadh nó sa ghorta.

As sin d'éirigh an eagraíocht carthanachta atá fós ar an saol — "Concern".