Giuseppe Garibaldi

Tekst üüb Fering

Giuseppe Garibaldi ([dʒuˈzɛppe ɡariˈbaldi]; * 4. Jüüle 1807 uun Nizza; † 2. Jüüne 1882 üüb Caprera) wiar en italjeens freihaidsstridjer an een faan dön populeerst feerern faan det Risorgimento, det italjeens ianigungsbeweeging twesken 1820 an 1870.

Efter dat hi uun Febrewoore 1834 uun en apstant uun Piemont dialnimen hed, wurd hi tu a duas feruurdiald, man hi entkaam an siild tu Süüdameerika, huar hi 14 juaren uun a eksiil ferbroocht an uun hög kriiger dialnaam.

Uun't juar 1848 kaam Garibaldi tu Itaalien turag an streed hi uun fialtööger, wat tuletst tu det italjeens ferianiging feerd. Üüs uun a April 1859 a suwereniteetskrich ütjbruch, feerd hi'n armee, wat grat steeden uun a Lombardei, diaroner Varese an Como naam an't grens tu Süüdtirool lingd. A krich kaam tu aanj mä't auernemen faan a Lombardei. 1860 feerd at Ekspeditsion faan a Düüsen uun a süüd faan Itaalien. At ekspeditsion loket an kaam tu aanj mä't aneksion faan at Köningrik faan dön Tau Sisiilien, a Marken an Umbrien tu't Köningrik Sardiinien, wat de 17. Marts 1861 det ferianigt Köningrik Itaalien wurd.