Jurij Gagarin

Jurij Aleksejevitj Gagarin (russiskt: Юрий Алексеевич Гагарин; føddur 9. mars 1934 í Klusjino, Smolensk Oblast, deyður 27. mars 1968 í Novoselovo, Vladimir Oblast) var sovjetrussiskur rúmdarmaður. Hann var fyrsta menniskjað í rúmdini.^[1][2]

Jurij Gagarin gjørdist heimskendur í 1961, tá tað eydnaðist honum sum fyrsti maðurin yvirhøvur at fara út í rúmdina.^[3] Hin 12. apríl sat hann einsamallur í rúmdarfarinum Vostok 1, meðan tað fleyg eina ferð kring knøttin.^[4] Eftir 108 minuttum í ringrás um jørðina lendi Gagarin á einum akri við bygdina Smelovka, tætt við býin Ternovskij í Saratov økinum.

Anna Takhtarova, kona skógarvørðin í bygdini, setti niður epli tann dagin. Hon helt at tað mundi vera eitt skrímsl, tá hon fyrst sá henda fremmanda mannin ílatin í einari appilsingulari rúmdardrakt við hvítum hjálmi. Men Gagarin segði við hana: "Eg eri ein av tykkum".^[5]

Gagarin var eisini tann fyrsti sum nevndi Jørðina "ta bláu gongustjørnuna".^[5]

• 
  Gagarin áðrenn fráferðina.
• 
  Gagarin í rúmdarfarinum Vostok 1
• 
  Vostok-rakettin áðrenn fráferðina.
• 
  Farleiðin
• 
  Vostok 1 eftir lendingina úr rúmdini.

• Rúmdarferðin hjá Vostok 1 hin 12. apríl 1961: Восток-1, roscosmos.ru (á russiskum)

Hendan greinin er ein stubbi. Tú kanst hjálpa Wikipedia við at víðka hann.

Sí miðlasavnið

»Jurij Gagarin« í Wikimedia Commons.