Donald Trump

Donald John Trump jibinaaɗo (dañaa) ñalnde 14 Korse (Junayru) e hitaande 1946 to wuro Nuuyook (New York) o woniino ardiiɗo l45-aɓo leydi Dowlaaji Dentuɗi (2017-2021).

Ko o jom-anterpris e kadi ko o dawriyanke leydi Amrik. Ko e hitaande 2016 o lomtii Barak Obama caggal nde o fooli ɗaɓɓideteeɗo laamu debbo biyeteeɗo Hillary Clinton. O toɗɗaa ardiiɗo leydi ndii ñalnde 20 Siilo (Janayru) 2017. O heddii e jappeere laamu haa ñalnde 20 Siilo 2021, caggal nde Joe Biden (Joo Bayden) foolii-mo. Kono o salii jaɓude-ɗum o jokki e wiyde wonnde ko o ɗawaaɗo poolgal makko e suɓngo Jolal (Nuwemmbaaru) 2020, tawi noon o walaa darorde wonannde koon ko o haali. Gila hikka hitaande 2024 o yaltii kadi ɗaɓɓere laamu laawol ɗiɗaɓol wonannde lanndaa makko wiyetee Republic e suɓngo laatotoongo Jolal 2024.