Kawasaki (Kanagawa)

Kawasaki; 川崎市; 川崎市 (Kawasaki-shi)
	izendaturiko hiria
	Kawasakiko tren geltokia Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Kantō; Kanagawa
Alkatea	Norihiko Fukuda
Izen ofiziala	川崎市
Jatorrizko izena	川崎市
Posta kodea	210-0002–210-0865
Herriburua	Kawasaki-ku (en)
Geografia
Koordenatuak	35°31′51″N 139°42′11″E / 35.53089°N 139.703°E
Azalera	142,70 km²
Mugakideak	Yokohama, Ōta, Setagaya, Chōfu, Komae, Inagi, Tama eta Machida
Demografia
Biztanleria	1.539.522 (2020ko irailaren 1a); 64.309 (2015)
Dentsitatea	10.765 bizt/km²
Informazio gehigarria
Sorrera	1924ko uztailaren 1a
Telefono aurrizkia	44
Ordu eremua	Japan Standard Time (en) eta UTC+09:00
Hiri senidetuak	Rijeka, Nakashibetsu (en) , Fujimi (en) , Naha, Baltimore, Wollongong, Sheffield, Salzburgo, Lübeck, Bucheon (en) , Shenyang eta Bandung
	http://www.city.kawasaki.jp/index_e.htm www.city.kawasaki.jp

Kawasaki (japonieraz: 川崎市, Kawasaki-shi^?) Japoniako erdialdean dagoen hiria da, Honshuko uhartearen ekialdeko kostaldean dagoena, Kanagawa prefeturan. Herrialdeko bederatzigarren hiri populatuena da, ia milioi eta erdi biztanle baititu, eta Tokioko metropoli eremuaren parte da.

Geografia

Kawasaki izena bi hitzek osatzen dute, kawa ("ibaia") eta saki ("lurmuturra"). Tokio eta Yokohamaren artean dagoen lurralde luzanga da, Tama ibaiaren hegoaldeko ertzaren 30 kilometro inguru hartzen dituena. Ekialdea laua da eta oso industrializaturik dago, batez ere Tokioko Badiako ertza, mendebaldea menditsuagoa da Tama muinoen eraginez, eta garapen erresidentziala izan du eta unibertsitateak ere baditu.

Historia

Hasiera batean Tokiori lotuago zegoen Yokohamari baino, Musashi probintziaren parte baitzen. Kawasakiren garrantziak gora egin zuen Edo Aroan, Edotik mendebaldera zihoan Tōkaidō errepideko geltokia bihurtu zenean, eta Meiji garaian Tōkaidōn zehar eraiki zen lehenengo trenbidea.

1899an herri bihurtu zen inguruko 12 herrixka bereganatzean. Kawasaki Hiria 1924ko uztailaren 1ean sortu zen bi herri handi elkartzean. Gaur egungo tamaina 1939an lortu zuen.

Bigarren Mundu Gerrako bonbaketek Kawasakiko industriaren gehiengoa suntsitu zuten, baina herriak aurrera egin zuen industria berreskuratuz eta eremu erresidentziala indartuz.

Lurraldea etengabe handitzen ari da uharte artifizialak egiteari ekin baitio.

Auzoak

Kawasakik zazpi auzo ditu:

Asao-ku (167.792 biztanle)
Kawasaki-ku (216.826 biztanle): erdigune administratiboa.
Miyamae-ku (217.251 biztanle)
Nakahara-ku (229.867 biztanle)
Saiwai-ku (153.255 biztanle)
Takatsu-ku (215.158 biztanle)
Tama-ku (211.221 biztanle): Unibertsitateen eremua.

Ekonomia

Fujitsu teknologia konpainiaren egoitza nagusia dago bertan, Nakahara-ku auzoan hain zuzen ere.

Kirolak

Kawasaki Frontale taldeak bi aldiz irabazi du Japoniako Liga , 2017an eta 2018an.

Ondasun nabarmenak

Kawasaki Daishi: Kantō eskualde osoko bigarren tenplu bisitatuena da
Nihon Minka-en parkea: 20 etxe radizional dituen parkea da.
Koreatown: Japoniako korearren bigarren asentamentu handiena.
Todoroki Athletics Stadium

Jaialdiak

Kawasakiko jaialdi nagusia Kanamara Matsuri (japonieraz: かなまら祭り^?) da, apirila hasieran Kanayama santutegi xintoistan izaten dena. Sorrera bitxia dauka jaialdiak izan ere emagalduek sexubidezko gaixotasunen aurrean babesa eskatzean omen baitu jatorria.

Kondairak dio emakumearen aluan bizi den deabru hortz-zorrotz batek bi mutil ezkonberri zikiratu zituela bakoitzaren ezkon gauean. Emazte batek erremintariari burdinezko zakil bat egiteko eskatu zion eta deabruak hozka egitean hortzak hautsi zituen.