Txina Taipei

Txina Taipei edo Taipei Txinatarra (中華臺北 txinera tradizionalean, 中华台北 txinera sinplifikatuan edota Zhōnghuá Táibĕi mandarin txinera transkribatzeko erabiltzen den pinyin sisteman) Taiwan, Formosa, Txina Nazionalista edo Txina Insular bezala ere ezagutzen den Txinako Errepublikako kirolariek Olinpiar Jokoetan eta beste kirol ekitaldi batzuetan parte hartzeko erabiltzen duten izen ofiziala da.^[1] Halaber, batzuetan izendapen hori erabili izan da herrialde horretako parte-hartzaileentzat edertasun-lehiaketetan, Miss Universo, besteak beste.^[2]

Historia

Txinako Herri Errepublika (nazionalista) eta Txinako Herri Errepublika (komunista) aurrez aurre daude 1949an Txinako gerra zibila amaitu zenetik. Taiwan uhartean babestu eta indartsu egin zen gobernu nazionalistak onartzen du uharte hori Txinaren parte dela, baina Txina hori Txinako Errepublika gisa definitzen du. Txinako Herri Errepublikako gobernu komunistak, ordea, Taiwan uhartea bere lurraldearen zati bat dela aldarrikatu du.

1979ko azaroan, Nagoyan (Japonia), Nazioarteko Batzorde Olinpikoak ebazpen bat hartu zuen, zeinaren bidez Taiwango Batzorde Olinpikoa izena zuenak Taipeiko Batzorde Olinpiko gisa aitortua izango zen eta bere kirolariak Olinpiar Jokoetan lehiatuko ziren Txina Taipei izenarekin. Txina izen soila eta CHN laburdura ofiziala Herri Errepublikarentzat geratu dira harrezkero.^[3]

Bi partaidetzen auzi gorabeheratsua honela garatu da historikoki:

	Ordezkaritza
	Txina		Taiwan
1924		Txina Txina	Japoniaren menpeko garai koloniala
1932–1936		Txina Txina (CHN)	Japoniaren menpeko garai koloniala
1948		Txina Txinako Errepublika (Taiwan uhartea eta Txina kontinentala bateraturik)
1952	Txina	Txinako Herri Errepublika (PRC)
1956			Taiwan	Txinako Errepublika (CHN)
1960				Formosa (RCF)
1964–1968				Taiwan (TWN)
1972–1976				Txinako Errepublika (ROC)
1980	Txina	Txina (CHN)
1984tik	Txina	Txina (CHN)	Taipei Txinatarra	Txina Taipei (TPE)