Santi Barranco

Santi Barranco
Bizitza
Jaiotza	Amurrio, 1979ko abuztuaren 12a (45 urte)
Herrialdea	Araba, Euskal Herria
Hezkuntza
Hizkuntzak	gaztelania
Jarduerak
Jarduerak	txirrindularia eta kirol zuzendaria

Santiago "Santi" Barranco Medina (Amurrio, 1979ko uztailaren 25a^[1] edo 1979ko abuztuaren 12a^[2]) errepide eta mendi bizikletako txirrindulari ohia da. Bere ibilbidea mendiko bizikletan hasi zen. Jubeniletako bigarren urtean, errepidera pasatu zen Ruta de Europa taldearekin. 23 urte azpiko kategorian berriz Olarra-Ercoreca taldean ibili zen eta azkenik, Eliteko lehen urtean (2002an) Saunier Duvalekin amaitu zituen errepideko bere urteak.

Errepidea utzi eta berriro mendiko bizikletara pasatu zen 2003. urtean. Lehendabizi sortu berria zen Bikezona taldean eta 2005ean berriz, Seguros Bilbao taldearen sorrerarekin, berak hartu zuen bertako BTT modalitateko ardura. Hasiera batean txirrindulari gisa hasi zen beste hainbat kiderekin batera, eta pixkanaka taldean beste ardura batzuk hartzen hasi zen, 2011. urtean taldeko zuzendari bihurtu zen arte.^[3]

Seguros Bilbao taldeak 2016an egin zuen bere azken denboraldia baina bertatik, UCIko probetan pelotoian ikusi izan ditugun txirrindulari ugari atera dira. Izagirre anaiak, Omar Fraile, Jonathan Castroviejo eta Beñat Intxausti, besteak beste.

Urte gutxi batzuk egon zen txirrindularitza mundutik kanpo, BURGOS BH taldeak deitu zion arte. Haiekin mekanikari eta zuzendari lanak egin zituen, Espainiako Itzulian eta beste hainbat lasterketetan 2017tik 2023 arte. Urte hauetan, GELA PEDAGOGIKOan ere egon zen bertako neska taldean laguntzen^[4] eta ARABAY talde mallorkarrarekin ere hainbat karrera egin zituen zuzendari gisa.^[5]

2024. urtean, EUSKALTEL EUSKADIko kirol zuzendari lanetan hasi da.^[6]

1998

• 8. Espainiako Txapelketan (Candanchu).
• 1. Open La Rioja
• 1. Open Euskadi Sub23 (Amurrio)
• 1. Open Cantabria (Castro Urdiales)

1999

• 1. Euskadiko Txapelketa (Sub23)

2000

• 2. Antzuola Sarian

2001

• 1. Cos (Cantabria)
• 5. Gorla (Bergara)

2003

• 1. Euskadiko Open-a.
• 1. Orkoien
• 3. Bovedan^[7].

2004

• 2. Espainiako txapelketan - Team Relay proban (Euskadiko selekzioarekin)
• 2. Open Euskadi (Labastida)

2005

• 2. Izkue.
• 1. Euskadiko Txapelketa (Funes) ^[8]