Jebediah Springfield

Jebediah Springfield
The Simpsons universe (en)
Argitalpena
Sortzailea	Matt Groening
Ageri den obrak	ikusi The Simpsons
Datu biografikoak
Jaiotza-izena	Hans Sprungfeld
Jaiotza	Colony of Virginia (en)
Heriotza	Springfield
Herrialdea	Ameriketako Estatu Batuak
Sexua	gizonezkoa
Jarduera	pirata fundatzailea

Jebediah Obadiah Zachariah Jebediah Springfield (1712-1798) Simpsondarrak telesaileko pertsonaia bat da, Springfieldeko hiriaren fundatzailea izateagatik ezaguna.

Springfieldeko jendeak "Jebediah Springfield" izenez ezagutzen du, baina bere benetako izena Hans Sprungfeld da. "Aitormen ezkutua" idatzi zuenean, bere burua pirata hiltzaile gisa aurkeztu zuen, George Washingtonen etsai porrokatua izan zena eta hura hiltzen ere saiatu zena (7. denboraldiko Lisa the Iconoclast atalean). Hirira heltzean, bere iragana ezkutuan mantendu zuen. Liskar batean mihia galdu zuenez, zilarrezko mihi bat erabili ohi zuen.

Jebediah, hainbat kolonorekin batera, Marylandetik mendebalderantz abiatu zen Sodoma Berriaren bila. Bidean aurkitu zituzten lur emankorrenetan geratzea erabaki zuten. Ailegatu eta gutxira Shelbyville Manhattanekin (zeinak bere izeneko hiria fundatuko zuen) haserretu zen, honek bere lehengusinekin ezkondu nahi zuelako. Ondoren Jebediah Springfield eta bere jarraitzaileek Springfield herria sortu zuten, jatorriz abiatu ziren Sprynge-Fielde herriaren omenez.

Bere bizitzari buruzko kondaira ugari daude. Besteak beste, kolonoek bisonte basati batekin topo egin zutenean, Jebediahk bere eskuekin hezi eta otzandu omen zuen. Benetan gertatu zena zen bisontea aurretik hezia zegoela; berak egin zuen bakarra animalia akabatzea eta bere burua etxeko horman jartzea izan zen, trofeo moduan.

Jatorrizko bertsioan Harry Shearerrek ematen dio ahotsa.