Gizonaren Nazioarteko Eguna
| Gizonaren Nazioarteko Eguna | |
|---|---|
 | |
| Mota | Nazioartekoa |
| Data | |
| Data | Azaroaren 19an |
| Maiztasuna | Urterokoa |
| Webgunea | http://internationalmensday.com/ |
Gizonen Nazioarteko Eguna azaroaren 19an ospatutako urteroko nazioarteko ekitaldi bat da. 1992ko otsailaren 7an inauguratu zuen Thomas Oasterrek[1][2]. Trinidad eta Tobagon 1999an berriro hasi zen proiektua.[3] Gizonen Nazioarteko Eguna Maltan ospatu zen lehen aldiz, 1994tik, zehazki[4].
Ingeborg Breines-ek, UNESCOko Emakumea eta Bakearen Kultura programako zuzendariak, gizonezkoentzako nazioarteko eguna aukeratzeko ekimenaren alde egin zuen, eta "sexuen arteko oreka pixka bat emango duen ideia bikainatzat" hartu zuen eta eta lankidetzan aritzeko interesa agertu zuen. Halaber, NBEren menpeko beste agentzia batzuek, hala nola Osasun Erakunde Panamerikarrak (PAHO), kontuan hartzen dute eta jarduerak antolatzen dituzte.
Hala ere, aurrekoa gorabehera, eta OME bezalako erakundeek agendan gizonezkoen ekitatearen eta osasunaren gaia sartu behar dela onartu arren, orain arte laguntza ez da ofizialki eta modu masiboan zehaztu. Hori da, hain zuzen ere, egun honek Emakumearen Egunak baino aintzatespen-maila askoz txikiagoa izatearen arrazoietako bat; izan ere, egun horrek izaera ofiziala eta finantza-babesa ere baditu zenbait herrialdetan.
Helburuak
[aldatu | aldatu iturburu kodea]Gizonaren Nazioarteko Egunaren ikurra.
2009ko azaroan, Teelucksingh doktoreak eta DIH Koordinazio Batzordeko beste kide batzuek formalki berretsi zituzten Gizonaren Nazioarteko Egunaren helburu nagusiak, haien balio nagusiak babesteko eta etorkizuneko ospatzaileentzat erreferentzia-puntu fidagarri bat eskaintzeko asmoz.
Hauek dira Gizonaren Nazioarteko Egunaren "6 euskarriak":
- Gizonezkoen eredu positiboak sustatzea; ez bakarrik zinemako izarrak eta kirolariak, baita bizitza duin eta zintzoak bizi dituzten eguneroko bizitzako gizonak ere, langile klasekoak.
- Gizonek gizarteari, komunitateari, familiari, ezkontzari, haurren zaintzari eta ingurumenari egindako ekarpen positiboak ospatzea.
- Gizonen osasunean eta ongizatean arreta jartzea; arlo sozialean, emozionalean, fisikoan eta espiritualean.
- Gizonen aurkako diskriminazioa nabarmentzea, gizarte-zerbitzuko arloetan, gizarte-jarreretan eta -itxaropenetan, eta legedian.
- Genero-harremanak hobetzea eta genero-berdintasuna sustatzea.
- Mundu seguruagoa eta hobea sortzea, jendea seguru egoteko eta hazteko, bere ahalmen osoa lortzeko.
Erreferentziak
[aldatu | aldatu iturburu kodea]- ↑ «‘Kansas Stream’ 1991-92» web.archive.org 2014-11-29 (Noiz kontsultatua: 2019-03-08).
- ↑ «International Men's Day - 'Kansas Stream' 1991-92» web.archive.org 2010-11-10 (Noiz kontsultatua: 2019-03-08).
- ↑ «‘Caribbean Stream’ 99-00» web.archive.org 2014-12-07 (Noiz kontsultatua: 2019-03-08).
- ↑ «Malta & South Africa» web.archive.org 2014-12-07 (Noiz kontsultatua: 2019-03-08).
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q15964944
Multimedia: International Men's Day / Q15964944