Babe Zaharias

Babe Zaharias
Irudi gehiago
Bizitza
Jaiotzako izen-deiturak	Mildred Ella Didrikson
Jaiotza	Port Arthur, 1911ko ekainaren 26a
Herrialdea	Ameriketako Estatu Batuak
Lehen hizkuntza	ingelesa
Heriotza	Galveston, 1956ko irailaren 27a (45 urte)
Hobiratze lekua	Forest Lawn Memorial Park (en) Beaumont
Heriotza modua	berezko heriotza: ondesteko minbizia
Familia
Ezkontidea(k)	George Zaharias
Hezkuntza
Heziketa	Beaumont High School (en)
Hizkuntzak	ingelesa
Jarduerak
Jarduerak	saskibaloi jokalaria, xabalinaria, autobiografialaria, golf-jokalaria, tenislaria, beisbol jokalaria, igerilaria, jauzilaria eta gorako jauzilaria
Parte-hartzailea athletics at the 1932 Summer Olympics – women's 80 metres hurdles (en) (1.) athletics at the 1932 Summer Olympics – women's high jump (en) (2.) athletics at the 1932 Summer Olympics – women's javelin throw (en) (1.) 1932ko Udako Olinpiar Jokoak
Pisua	62 kilogramo
Altuera	169 zentimetro
Jasotako sariak	ikusi Emakumeen Arrakastaren Saloi Nazionala  (1976) Coloradoko Emakumeen Ospearen Aretoa  (2008) Golf Mundialaren Ospearen Aretoa  (1974) Associated Press Athlete of the Year  (1932) Associated Press Athlete of the Year  (1945) Associated Press Athlete of the Year  (1946) Associated Press Athlete of the Year  (1947) Associated Press Athlete of the Year  (1950) Associated Press Athlete of the Year  (1954)

Mildred Ella "Babe" Zaharias (Port Arthur, Texas, 1911ko ekainaren 26a - Galveston, Texas, 1956ko irailaren 27a), ezkondu aurreko izenez Mildred Ella Didriksen, estatubatuar kirolari bat izan zen, historiako kirolaririk balioanitzekoetakotzat hartua. Golfa, saskibaloia, beisbola eta atletismoa bezalako kiroletan nabarmendu zen. Gaztetan, Brooklyn Dodgers gizonezkoen beisbol taldean jokatu zuen, non Babe ezizena eman zioten.

Hogeita bat urte zituela, 1932ko Los Angelesko Udako Olinpiar Jokoetan parte hartu zuen. Mildredek atletismoko bost probatan parte hartu nahi izan zuen arren, garai hartako arauen arabera, hirutan bakarrik parte hartu ahal izan zuen, xabalina jaurtiketa, 80 metro hesiak eta altuera jauzian. Hiru probatan lortu zuen domina: Urrezkoa lehenengo bietan, eta zilarrezkoa azkenengoan. 80 metro hesiko proban, gainera, munduko errekorra egin zuen. Altuera jauziko finala, oso eztabaidagarria izan zen, bere taldekide zen Jean Shileyrekin berdindu zuen arren, epaileek, urrezko domina, Jeani ematea erabaki baitzuten, eta, beraz, Mildred zilarrarekin geratu zen.

Erronka berriak bilatuz, 1935ean golfa deskubritu zuen. Handik gutxira, nazioko golfari hoberenekin neurtu ahal izan zituen bere indarrak. 1938an, Los Angeleseko Irekian parte hartu zuen, gizonentzako proba zena. Bere entrenatzailea George Zaharias zen, borrokalari profesional eta kirol eragile ezagun bat, eta urte horretan Mildredekin ezkondu zen. 1942an, jokalari amateur maila lortu zuen, eta 1947an profesionalarena. Profesional bezala, emakumezkoen AEBetako irekia hiru aldiz irabazi zuen, eta Eskoziako Gullane herrian amateurren Txapelketa britainiarra irabazi zuen lehen golfari estatubatuarra izan zen. Zaharias, Golf Mundialaren Ospearen Aretoan, 1951n inskribatua izan zen. 1956an irabazi zuen azkeneko aldiz AEBetako irekia, eta, handik gutxira, minbizi baten ondorioz hil zen.

• (Ingelesez) Babe Didrikson Zaharias’s Legacy Fades Nytimes.com