Arbil probintzia

Arbil probintzia
Irak
Administrazioa
Eskualde geografiko	Irakeko Kurdistan
ISO 3166-2	IQ-AR
Hiriburua	Arbil
Geografia
Koordenatuak	36°11′N 44°02′E / 36.18°N 44.03°E / 36.18; 44.03
Azalera	12.000 km²
Mugakideak	Dohukeko probintzia, At Ta'mim probintzia, Ninawa, Sulaimaniya probintzia eta Mendebaldeko Azerbaijan
Demografia
Biztanleria	1.532.081 (2009)
Dentsitatea	127,67 bizt/km²
Ordu eremua	UTC+03:00
hawlergov.org

Arbil^[1] (arabieraz: محافظة أربيل‎ Muḥāfaẓat Arbīl; asirieraz: ܗܘܦܲܪܟܝܵܐ ܕܐܲܪܒܝܠ; Irbil, Erbel edo Arbel ere transkribatua) edo Hewler (kurdueraz: پارێزگای ھەولێر, Parêzgeha Hewlêr) Irakeko Kurdistango probintzietako bat da. Irakeko ipar-ekialdean dago. 15.074 kilometro koadroko eremua hartzen du, eta 1.532.081 biztanle zituen 2009an.^[2] Hiriburua Arbil da.

Iparraldean Turkiarekin du muga, ipar-ekialdean Irango Mendebaldeko Azerbaijanekin, hego-ekialdean Sulaimaniya probintziarekin, hegoaldean Kirkuk probintziarekin, hego-mendebaldean Saladin probintziarekin, mendebaldean Ninive probintziarekin, eta ipar-mendebaldean Dahuk probintziarekin.

Antzinako Asiriaren erdialdean dago. Arbil izan zen Adiabene erresumaren hiriburua (15–116). 1974an, Kurdistango Eskualde Autonomoan sartu zuten.

Batez ere, kurduak bizi dira bertan; arabiar eta turkomano gutxiengo garrantzitsuak ere dauden.

Probintzia honetako ekonomia nekazaritzan eta, neurri batean, petrolio ekoizpenean oinarritzen da. Oso kaltetua irten zen Saddam Hussein eta irakiar kurduen arteko gatazkatik. Nazio Batuek ezarritako zigorrak ez betetzeko eginiko kontrabandoak, bizirautea eta baita oparotasuna lortzea ere ahalbidetu diete biztanle askori.