Jemeno
lando en la suda fino de la duoninsulo Arabio
Jemeno - arabe اليمن ( al-Jaman) - estas lando en la sudokcidento de la Araba duoninsulo.
- Landkodo: YE.
- E-nomo: Jemena Respubliko.
- Nacia nomo: al-Ĝumhurijah al-Jamanijah, الجمهورية اليمنية
- Areo: 528.000 km².
- Politika sistemo: respubliko.
- Ŝtatestro: prezidento Ali Abdula Saleh (1990).
- Ĉefurbo: Sanao (427 mil).
- Urboj: Adeno (285 mil), Taizz (178 mil).
- Loĝantaro: 15.272 mil (1995).
- Ŝtatlingvo: araba lingvo.
- Kredantoj: muzulmanoj.
- Eksporto: naftoproduktoj, kotono, fiŝo.
- Pokapa GNP: 260 $.
- Valuto: Jemena rialo.
- Organizoj: UNO (1947)
- Historio: La Jemena Respubliko kreiĝis dum la jaro 1990 rezulte de unuiĝo de la du ŝtatoj Jemena Araba Respubliko en Norda Jemeno kaj Demokratia Popola Respubliko Jemeno en Suda Jemeno. Unuigo de la ŝtataj strukturoj okazis en 1993.
- Heredaĵo: malnova urbokerno de Sanao; geografia regiono Hadramaut, Ŝibam.
- Provincoj respektive gubernioj: Abjan • Adeno ('Adan) • Amran • Al Bajda • Ad Dali • Dhamar • Al Ĝaŭf • Hadramaut • Hadĝa • Al Hudajda • Ibb • Lahiĝ • Marib • Al Mahra • Al Mahŭit • Rajma • Sanao (Sana'a) • ĉefurba distrikto Sanao • Sada • Ŝabŭa • Taiz
 
| |
Jemeno kun ĉefurbo Sanao Koordinatoj: 15° 20′ 54″ N 44° 12′ 23″ O / 15.348333333333 °N, 44.206388888889 °O (mapo) |
Biogeografio
Biogeografie la lando troviĝas plejparte en la sudaraba ekoprovinco el la afrotropika ekozono laŭ la tipologio de la Monda Natur-Fonduso ( WWF ). Ĝi i.a. enhavas ekoregionon kiu estas nomata : montaraj maldensarbaroj de sudokcidenta Arabujo. La insularo de Sokotro apartenas al la sahela-sudana ekoprovinco de la sama ekozono kaj konsistas el la sokotraj kserofitaroj. La nordoriento de Jemeno situas en la sahar-arab-dezerta ekoprovinco de la palearkta ekozono, nome en la ekoregiono arabaj-sinajaj dezertoj kaj kserofitaroj.
Popolo
Religio
Preskaŭ senescepte ĉiuj jemenaj enlandanoj estas moslemoj. La plejmulto de la loĝantaro estas sunaistaj ŝafiitoj.