Oust (rivero)

La nomo de la rivero 'Oust' (bretonlingve : An Oud^[1], (gallolingve : L'Out), ŝajnas proksima al la prakelta vorto olt, kiu signifas tiu de la supro, kio povus veni de la situacio de la rivero rilate al la rivero Vilaine (la fonto de tiu lasta estas pli suda kaj pli malalta : 153 m kontraŭ 225 m)^[2]. Aliaj riveroj havas nomon, kiu ligiĝas al la sama origino, kiaj la riveroj Lot, Odon en Francio aŭ Olt en Rumanio.

 

La rivero Oust fontas je alteco de 225 m^[3] nordoriente de Corlay, en la departemento Côtes-d'Armor, piede de la montpinto de Kerchouan (kiu kulminas je 318 m) en la okcidenta parto de la montetoj de Arrée. Sin direktante sudorienten, ĝia fluejo atingas la lagon de la baraĵo de Bosméléac post malsupreniro laŭ 7/1000-a deklivo^[4]. Ekde tiu loko, la rivero kvietiĝas (la deklivo reguliĝas je 1,5 promiloj kaj restas tia ĝis ĝia alfluejo), trairas Rohan, ricevas alfluajn riverojn malsuprenirantajn de la montetoj de Menez: Lié kaj poste Ninian. Ĝi trairas poste Malestroit, dekstre aldoniĝas la rivero Claie en Saint-Congard, el kiu ĝi plilongigas la tektonikan direkton de okcidento - nord-okcidento al oriento - sud-oriento^[5]. En la lasta parto de sia gluejo, ĝi akceptas maldekstre la riveron Aff en Glénac, poste dekstre la riveron Arz fronte al Redon, kaj tuj enfluas en la riveron Vilaine. Post la renkontiĝo de la riveroj 'Oust' kaj 'Vilaine', tiu lasta fariĝas mara, submetata al la tajdoj.

La kanalo inter Nantes kaj Brest uzas la lastan parton de ĝia fluejo, la rivero 'Oust' aperas kiel artefarita rivero, sinsekvo de lagoj apartigitaj per 61 kluzoj^[6]. Okaze de la konstruado de la kanalo, rektigoj de la fluejo tranĉis multajn meandrojn kaj naskis nenavigeblajn brakojn : brako de Timadeuc (7 km), de Pommeleuc (2 km), malnova rivero de Malestroit (6 km), la rivero Oust malsupre de la baraĵo de 'la Potinais' ĝis la alfluo en la rivero Vilaine (10 km)^[4].

 

 

La akvokolekta areo de la rivero Oust kovras surfacon ^[5] de 3 630 kv.km neegala sur la tri bretonaj departementoj : Côtes-d'Armor, Morbihan kaj Ille-et-Vilaine. La akvokolekta areo de la rivero Oust arigas, en 195 komunumoj, proksimume 215 000 loĝantojn^[7], la loĝdenseco estas iom malpli ol 60 h/km². Precipe kampara, ĝi enhavas malmultajn urbojn, neniu el ili superas 10 000 loĝantojn.

 

 

La rivero 'Oust' profitas de la alfluo de pluraj alfluantoj, kiuj desupre malsupren estas ^[8]:

• La rivero Kersaudy (12 km) en Uzel dekstraborde
• La rivero La Bellière (19 km) en Rohan maldekstraborde
• La rivero Lié (60 km) en Pleugriffet maldekstraborde
• Le rivero Sedon (17 km) en Guégon dekstraborde
• La rivero Ninian (58 km) en Montertelot maldekstraborde
• La rivero Claie (62 km) en Saint-Congard dekstraborde
• La rivero Aff (65 km) en Glénac maldekstraborde
• La rivero Arz (67 km) en Redon dekstraborde

• Côtes-d'Armor (22) : Loudéac.
• Morbihan (56) : Gueltas, Rohan, Josselin, Ploërmel, Malestroit.
• Ille-et-Vilaine (35) : Redon.

• Jean-Yves Kermarrec, Florence Bacon, france L'eau et les rivières en Bretagne, Ouest-France, 2008 (ISBN 978-2737301018)
• Kader Benferhat, Sandra Aubert, Richard Nourry, france Le Canal de Nantes à Brest, Itinéraires de découvertes, Ouest-France, 2007 (dernière édition) (ISBN 978-2737342059)
• Bertrand Colombe, france Rivières, rias et canaŭ de Bretagne, Pirogue, 1995 (ISBN 978-2950569523)
• Alain Le Noac'h, Marc Le Bris, france Chansons des pays de l'Oust et du Lié, Dastum, Loudéac, 2001.

• Rivera navigado
• Reto de la navigeblaj vojoj
• Akvopoluo

• france Artikolo pri la rivero 'Oust' sur la retpaĝo de 'Eaŭ et rivières de Bretagne'.^{[rompita ligilo]}
• france La rivero 'Oust' en la listo de la riveroj kaj kanaloj en Francio - projekto 'Babel'.
• france La malsupra valo de la rivero 'Oust' sur la oficiala repaĝo de la turismo en Bretonio.^{[rompita ligilo]}