Muhammad Ali

Tiu ĉi artikolo temas pri usona sportisto. Pri egipta reganto temas artikolo Muhammad Ali (paŝao).

Muhammad ALI (naskiĝis Cassius Marcellus CLAY Junior en Louisville (Kentukio) la 17-an de januaro 1942, mortis la 3-an de junio 2016 en Scottsdale (Arizono)^[1]) estis usona boksisto. En 1999, la usona revuo Sports Illustrated taksis lin la "Sportisto de la Jarcento". Li venkis en la Tutmonda Pezega Boksa ĉampionumo trifoje (last venko en 1978) kaj ankaŭ en la ĉampionumo de la Nord-Amerika Boksa Federacio kaj en Olimpiaj ludoj. Dum la Somera Olimpiko 1960 en Romo (Italio) en finalo venkis polon Zbigniew Pietrzykowki akirante la oran olimpikan medalon (vidu la apudan foton).

Muhammad Ali
Persona informo
Naskonomo	Cassius Marcellus Clay, Jr.
Naskiĝo	17-an de januaro 1942 (1942-01-17) en Louisville
Morto	3-an de junio 2016 (2016-06-03) (74-jaraĝa) en Scottsdale
Mortokialo	Malsano de spira sistemo
Tombo	Cave Hill Cemetery (en)
Lingvoj	angla
Loĝloko	Scottsdale • Cherry Hill
Ŝtataneco	Usono
Alma mater	kolegio Santa Monica Central High School (en)
Familio
Patro	Cassius Marcellus Clay Sr.
Patrino	Odessa Grady Clay
Frat(in)o	Rahman Ali
Edz(in)o	Yolanda Williams (en) (1986–2016) Veronica Porche Ali (mul) (1977–1986) Khalilah Ali (en) (1967–1977) Sonji Roi (en) (1964–1966)
Infanoj	Maryum Ali  ( Khalilah Ali (en) ) Laila Ali (mul)  ( Veronica Porche Ali (mul) ) Hana Ali (en)  ( Veronica Porche Ali (mul) ) Muhammad Ali Jr.  ( Khalilah Ali (en) ) Rasheda Ali (en)  ( Khalilah Ali (en) )
Okupo
Okupo	boksisto aktivulo aŭtobiografo aŭtoro
TTT
Retejo	http://www.ali.com/
v • d • r

Danke al liaj talentoj kaj lia eksterordinara personeco, Muhammad Ali fariĝis unu el la plej famaj boksistoj en la tuta mondo.

Depost li fariĝis islamano Cassius Clay ekprenis novan nomon: MUHAMMAD (kiu meritas laŭdon) kaj ALI (Ali estas la plej grava figuro post Mahometo el ŝijaisma vidpunkto kaj la kvara prave gvida kalifo el sunaisma vidpunkto).

Apartenante al la Internacial Boxing Hall of Fame ^[2], Ali estas konsiderata kiel unu el la plej grandaj boksistoj en la historio.^[3]

La 19an de novembro 2005 malfermiĝis en Louisville, Kentukio, la Muhammad Ali Centro, neprofitcela institucio, kiu fokusas sur temoj kiel paco, socia respondeco, respekto kaj persona disvolviĝo. Sur la retejo de la Muhammad Ali Centro legeblas jenon : "Depost li haltis boksadon, Ali laboris tutmonde por la humana afero. Kiel dediĉita islamano, li vojaĝis tra la mondo kaj pruntedonis lian nomon al multnombraj projektoj, kiuj kontraŭbatalas militon, diskriminacion, malriĉecon kaj malsaton, apogas edukadon, antaŭenigas adopton kaj kuraĝigas homojn respekti sin reciproke kaj kompreni unu la alian pli bone. Poste li pli ol religiema li fariĝis multe pli sprita kaj ĉirkaŭbrakis la spiritajn instruojn de la Universala Sufiismo, kies fondinto estas Hazrat Inayat Khan ^[4]. Kune kun unu el siaj filinoj (Hana Yasmeen Ali) li verkis nekutiman membiografion kies titolo estas The soul of a Butterlfy (Esperante: La animo de papilio), kiu kombinas rakontojn, poezion kaj spiritajn instruojn.^[4]

	„ Mi flugas kiel papilio. Mi pikis kiel abelo... Ĉar ne estas neniu pli grandega ol Muhammad Ali. ” — Muhammad Ali (por minaci siajn kontraŭulojn)

Unu de la lastaj publikaj aperoj de Mohammad Ali estis en 2012, kiam li ĉeestas la malferman ceremonion de la olimpikaj Ludoj en Londono. La eksa ĉampiono aperis por la lasta fojo en publiko en aprilo 2016 okaze de vespermanĝo de karitato en Phoenix, por mone helpi esploron kontraŭ la malsanon de Parkinson, de kiu li suferis ekde 1984. Li mortis je la 3a de junio 2016.