Hilumo

Hilumo estas biologia esprimo el la latina lingvo kies traduko estas „tigo“. Ĝi havas laŭ NPIV diversajn signifojn:

• en anatomio la hilumo estas aparta loko, kie vaskuloj, duktoj ks penetras en la organon: ovaria, liena, pulma hilumo
• en botaniko

• • loko de la bazo de la ovolo, kie insertiĝas la funiklo
  • la responda parto de la semo, cikatro ofte en konkavetaĵo
  • loko de la bazo de frukto, ĝenerale konkava, kie insertiĝas la pedunkolo
• (ne en NPIV) en mikologio
  • ĉe bazidiosporoj la loko kie inssertiĝas la sporo dum la kresko ĉe la bazidio.
  • ĉe konidiosporoj makulo ĉe la sporo, kiu ekestas post forigo de la konidia ĉelo.