Plankoplinto

Plankoplinto estas, je plankonivelo, kontraŭ la muro fiksita listelo, kiu formas la transiron inter planko kaj muro.

Plankoplinto protektas la muron kontraŭ damaĝoj. Ĉe lignaj plankoj (pargeto aŭ laminato) la plinto ankaŭ servas por kovri la junton inter planko kaj muro, la plinto tiam estas el ligno aŭ MDF, kaj kelkfoje estas rabotita en iu profilo. Ĉe kahelplankoj kelkfoje la plinto estas el la sama materialo. Tie kie higieno necesas, kiel en kuirejoj aŭ hospitaloj, oni ofte aplikas kavan plinton.
En kavaj plintoj oni ankaŭ povas kaŝi malornamajn kablojn. Pro kresko de hejmkino-sistemoj kaj domotiko tiu plintformo pli kaj pli uzatas.