St. John's

Ĝemelurboj
Ílhavo, Waterford, Marakajo, Coro (Venezuelo) [+]

St. John's
angle St. John's, esperante: Sankt-Johano
urbo
	Fotomontaĵo
urbego, city in Newfoundland and Labrador [+]
Ĝemelurboj
Ílhavo, Waterford, Marakajo, Coro (Venezuelo) [+]
	Oficiala nomo: City of St. John's
	Moto: "Avancez" (Antaŭen iru)
	Kromnomo: "The City of Legends"
Ŝtato	Kanado
Provinco	Novlando kaj Labradoro
Parto de	Novlando
Oceano	Atlantiko
Situo	St. John's
- koordinatoj	47° 34′ N, 52° 42′ U (mapo)47.5675-52.707222222222
Plej alta punkto
- alteco	147 m
Plej malalta punkto
- malalteco	0 m
Akvokolektejo	446,06 km² (44 606 ha) [+]
Areo	446,04 km² (44 604 ha)
- de aglomeraĵo	182,62 km² (18 262 ha)
- de metropolo	804,63 km² (80 463 ha)
Loĝantaro	106 172 (2011)
- de aglomeraĵo	165 346
- de metropolo	196 966
Denseco	238,05 loĝ./km²
- de aglomeraĵo	903,53 loĝ./km²
Parkoj	Parko Pippy, Parko Bannerman, Parko Bowring
Fondita	5-a de aŭgusto 1583
Gvidantaro	Urbokonsilio de St. John's
Urbestro	Andy Wells
Horzono	UTC (UTC-3:30)
- somera tempo	UTC (UTC-2:30)
Poŝtkodo	T9E
Telefona antaŭkodo	+1-780
	St. John's (Kanado)
	Situo enkadre de Kanado
	St. John's (Novlando)
	Situo enkadre de Novlando
	St. John's (Nord-Ameriko)
	Situo enkadre de Nord-Ameriko
	Vikimedia Komunejo: St. John's, Newfoundland and Labrador
	Retpaĝaro: www.stjohns.ca
	v • d • r

Ĉi tiu artikolo temas pri la ĉefurbo de Novlando kaj Labradoro. Por aliaj signifoj vidu la artikolon Sankta Johano.

Panorama vido de la urbo je septembro 2006

St. John's (IFA /ˌseɪntˈdʒɒnz/ angle elparolata kiel [Sejnt Ĝonz], esperante: Sankt-Johano aŭ Sankta Johano de Novlando, france: Saint-Jean) estas la ĉefurbo de la kanada provinco Novlando kaj Labradoro, kaj la plej proksima urbo en Kanado al la Eŭropo.

Historio

La urbo estas nomita laŭ la esploristo John Cabot kiu jam en 1497 atingis la marbordojn de Novlando, la unua kiu atingis la insulon certe. La komenco de setlejo en la urbocentro estas ĉe la fino de la 16-a jarcento kaj ĝi estas konsiderita la plej malnova anglalingva setlejo en Nordameriko. Ĝia ekonomio baziĝis ĉefe sur fiŝkaptado.

La lasta batalo sur la amerika kontinento en la Sepjara Milito inter Britio kaj Francio en 1762 okazis en la urbo kaj finiĝis per la venko de Britio. La urbo estis la ĉefurbo de la Dominio Novlando en la unua duono de la 20a jarcento. Dum Dua Mondmilito, la haveno de la urbo funkciis kiel centra bazo por la Aliancitaj fortoj en ilia milito kontraŭ germanaj submarŝipoj. En 1949, la urbo iĝis kanada urbo kun la nuligo de Dominio kaj aliĝo al la Kanada Konfederacio.

Guglielmo Marconi ricevis ĉi tie en 1901 la unuan sendratan signalon de Eŭropo (Poldhu, Kornvalo) al Ameriko. Sankta Johano ankaŭ estis la deirpunkto por la unua senhalta transatlantika flugo. Tio okazis en junio 1919 kiam Alcock kaj Brown flugis modifitan Vickers Vimy aviadilon de Lester's Field en St. John's al marĉo proksime de Clifden en Connemara, Irlando.

Geografio

La urbo situas en la sudoriento de Novlando. Ĝi kovras areon de 446,04 kvadrataj kilometroj.Ĝi estas la plej orienta urbo en Nordameriko, kaj estas pli proksima al Britio ol al Brita Kolumbio en Okcidenta Kanado.La urbo estas la dua plej granda en la atlantika regiono de Orienta Kanado post Halifax. La urbocentro estas okcidente kaj norde de la haveno.

Demografio

Laŭ la stato de 2021 en la urbo vivis 110 525 loĝantoj.

Granda plimulto de la loĝantoj de la urbo originas de Britio kaj Irlando. Multaj el ili venis de sudokcidenta Anglio kaj sudorienta Irlando kaj la akĉento de la loĝantoj de la urbo estas simila al la origina akĉento de la loĝantoj de tiuj areoj. Preskaŭ ĉiuj loĝantoj de la urbo estas kristanoj: katolikoj, protestantoj kaj anglikanoj.

Klimato

Inter kanadaj urboj, la urbo tenas plurajn klimatrekordojn. Ĝi estas la plej nuba urbo en la lando (nur 1 497 horoj da sunbrilo jare, kio estas proksimume 62 tagoj), kun la plej granda kvanto da neĝo (322 cm jare) kaj la plej malmultaj nombro da sekaj tagoj jare (sen pluvo aŭ neĝo): nur 149.