Makedona lingvo
| makedona | ||
| македонски | ||
| ||
| Mapo de landoj kun makedonparolantoj en la mondo. (alklalku la bildon por klarigoj) | ||
| lingvo • moderna lingvo | ||
|---|---|---|
| Sudslava lingvaro | ||
| Parolata en |  Nord-Makedonio Grekio Albanio
| |
| Parolantoj | 2 000 000 | |
| Denaskaj parolantoj | >1,5 milionoj | |
| Skribo | Cirila skribo | |
| Oficiala statuso | ||
| Oficiala lingvo en | Nord-Makedonio Agnoskita kiel minoritata lingvo en Albanio  Rumanio Serbio
| |
| Reguligita de | Институт за македонски јазик „Крсте Мисирков“, Instituto por la Makedona lingvo "Krste Misirkov" | |
| Lingvaj kodoj | ||
| Lingvaj kodoj | ||
| ISO 639-1 | mk | |
| ISO 639-2 | ||
| Bibliografia | mac | |
| Terminologia | mkd | |
| ISO 639-3 | mkd | |
| SIL | MAC | |
| Glottolog | mace1250 | |
| Angla nomo | Macedonian | |
| Franca nomo | macédonien | |
| Vikipedio | ||
La makedona lingvo (македонски) estas sudslava lingvo parolata kiel gepatra lingvo de proksimume du milionoj da homoj, precipe en la Nord-Makedonio kaj la makedona diasporo, kun pli malgranda kvanto da parolantoj tra la transnacia regiono Makedonio. Ĝi estas la oficiala lingvo de la Respubliko Nord-Makedonio kaj leĝe agnoskata minoritata lingvo en partoj de Albanio, Rumanio kaj Serbio. Ĝia ISO-kodo estas mk. Ekzistas Vikipedio en la makedona lingvo.
La norma makedona lingvo efektiviĝis kiel oficiala lingvo de la Socialisma Respubliko Makedonio en 1945 kaj poste evoluis modernan literaturon.[1] La plejparto de la kodigo formaliĝis dum la sama periodo.[2][3][3]
Makedonaj dialektoj formas kontinuumon kun bulgaraj dialektoj kaj pli vastan kontinuumon kun la serbokroataj per la intermezaj torlakaj dialektoj.
La nomo de la makedona lingvo estas polemika afero en Grekio kaj Bulgario,[4] samkiel ĝia distingeco kompare kun la bulgara en Bulgario.[5][6] En Bulgario ĝi estas ofte konsiderata kiel unu el tri lingvaj normoj de la bulgara, la makedona lingva normo. Ĝi ne estas agnoskita de la Instituto por la Bulgara Lingvo ĉe la Bulgara Akademio de Sciencoj. Dum oficialaj kontaktoj inter delegatoj de Makedonio kaj tiaj de Bulgario kaj Grekio, la lastaj ne agnoskas la makedonan kiel memstaran lingvon.
La makedona estas skribata per cirila alfabeto kun tri propraj literoj: ѓ, ќ kaj ѕ.
La moderna makedona ne estas identa kun la klasikepoka makedona lingvo, ankaŭ hindeŭropa lingvo kiun ni konas nur el kelkaj propraj nomoj kaj simile, kaj estis verŝajne tre parenca al la greka, ĉu kiel dialekto aŭ kiel parto de pli vasta hindeŭropa branĉo, kiu inkludus la grekan kaj makedonan.
Eksteraj ligiloj
[redakti | redakti fonton]- Pri Makedona lingvo en Ethnologue (angle)
- Ekzemploteskto en language-museum kun angla traduko
- Lengua Macedonia (historio, priskribo, mapoj) en Promotora Española de Lingüística (hispane)
- Lingva Mapo de Sudorienta Eŭropo (angle, france)
- Elstara artikolo pri la makedona en la "Enciklopedio de la eŭropa oriento" de la universitato de Klaŭdiforumo. germane
- Lingva Mapo de Balkanoj (hispane)
- Serĉrezultoj de Rosetta Project
Referencoj
[redakti | redakti fonton]- ↑ МИА - Македонска Информативна Агенција - НА ДЕНЕШЕН ДЕН. Mia.com.mk. Arkivita el la originalo je 2012-03-08. Alirita 2010-08-15 .
- ↑ Gilbert, G.. (2006) Studies in contact linguistics. ISBN 978-0-8204-7934-7.
- ↑ 3,0 3,1 Friedman, V. (1998) "The implementation of standard Macedonian: problems and results" in International Journal of the Sociology of Language, Vol. 131, pp. 31-57
- ↑ Mirjana N. Dedaić, Mirjana Misković-Luković. South Slavic discourse particles (John Benjamins Publishing Company, 2010), p. 13
- ↑ Victor Roudometof. Collective memory, national identity, and ethnic conflict: Greece, Bulgaria, and the Macedonian question (Greenwood Publishing Group, 2002), p. 41
- ↑ Language profile Macedonian Arkivigite je 2009-03-11 per la retarkivo Wayback Machine, UCLA International Institute
| ||||||||||||
