Kunešov

Kunešov, hungare Kunosvágása [kunoŝvAgAŝa], germane Kuneschhau [kuneŝaŭ] estas malgranda vilaĝo en Slovakio, en Regiono Banská Bystrica, en Distrikto Žiar nad Hronom. La historiaj hungaraj loknomoj estis Kunoso, Konosov kaj Koneshely.

• Areo: 24 km²
• Supermara alteco: 779 m
• Koordinatoj: 48° 44′ 00″ N 18° 52′ 10″ O / 48.73333 °N, 18.86944 °O / 48.73333; 18.86944 (mapo)Koordinatoj: 48° 44′ 00″ N 18° 52′ 10″ O / 48.73333 °N, 18.86944 °O / 48.73333; 18.86944 (mapo)
• Loĝantaro: 250
• Poŝtkodo: 967 01
• Aŭtokodo: ZH
• Telefonprefikso: 45

Kunešov situas sur malebenaĵo inter montoj 937, 913, 934 kaj 927 m-ojn altaj, fine de sakovojo. Kremnica troviĝas 7 km-ojn.

Germanaj ministoj fondis la vilaĝon, kies unua mencio devenis el 1342 en latina formo "villa St. Michaelis". En 1628 la turkoj neatendite okupis la vilaĝon, la loĝantoj sklaviĝis. En 1828 vivis tie 1550 homoj en 85 domoj. En 1910 vivis en Kunosvágása 1913 homoj, (1876 germanoj, 25 hungaroj, 12 slovakoj). Ĝis Traktato de Trianon la vilaĝo apartenis al Hungara reĝlando, al Bars, al distrikto de Garamszentkereszt, poste al Ĉeĥoslovakio, inter 1938-1945 kaj ekde 1993 al Slovakio. Post la 2-a mondmilito la germanoj deportiĝis, baldaŭe slovakoj alvenis en la malplenajn domojn. En 2001 loĝis en Kunešov 244 homoj (195 slovakoj, 45 hungaroj, 3 ĉeĥoj).

• romkatolika gotika preĝejo proksimume en 1400, en 1766 barokiĝis
• klasikisma kapelo el la 19-a jarcento
• malfruklasikisma apudvoja kapelo el la 19-a jarcento

• Kunešov sur mapo de Slovakio