Trègia
|
C'l artìcol chè 'l è scrit in
Carpśàn |
La trègia l' éra 'n atrès rudimentèl druê dai cuntadèin in di tèimp pasê ch' la gh' servìva per carghèr vìa dal fèin, dla pàja u di èter prodòt dal camp, quand la tèra l'éra tròp su e śò per druèr el ródi; quèśi cumpàgna 'd na slìta, i la custrìven i stès cuntadèin in dl' èra 'd cà sua cun di vèć bastòun u dagli àsi 'd lègn lunghi e rubùsti, e s' la gh'era, anca dla stòpa: intelajèda cun na forma ad "A", al spròc finèl al psìva anca èser lighê e tirê cun al śôṿ di bō u cun al sumèr u l'èśen. Sènd che 'l lègn ed sòta al sferghèva acsè tant cun la tèra, a gh' capitèva 'd ruinèr-es présti e la trègia alòra la gh' īva biśògn ed giustamèint frequèint.
