Finlàndia
| C'l artìcul chè 'l è scrit in Miranduléś | 
|
La Finlàndia (a s diś Suomi in Finlandéś) l'è na nasiòṅ dl'Europa dal nòrd ch'la s cata in dla Scandinàvia, penìśula ch'la spartìs cun la Nurvégia (a Nòrd) e cun la Śvèsia (a òvest) cunfinànd pò anc cun la Rùsia a èst.
La gh'à sinc migliòṅ e quàtar 'd abitànt, dagnóra tut cunsintrâ a sud, e na superfìsi ad 338.424,38 km². In fiṅ a 'l 4 ad Śnar dal 1918 l'à fat part d'l impēr rus méntar prima l'éra dènt'r a 'l régn ad Śvèsia.
L'è urganiśàda cuma na repùblica parlamentàra e la sò capitàł 'l è Helsinki cun Tampere, Turku, Oulu, Jyväskylä, Lahti e Kuopio atri sità impurtànti. Cun quarànta-novmìla dòlar americàṅ a crani, i finlandéś i èṅ òṅ di pòpui più ric a 'l mónd.
La sò léngua ufisiàla l'è 'l Finlandéś ma anc al Śvedéś e di atri léngui più cichi i èṅ druàdi da la gint. La fà part dl'Ugnòṅ Européa da 'l 1 ad Śnar dal 1995 e 'l è anc 'l ùnic paéś scandinàṿ a druàr 'l euro.
L'è divìśa in siē regiòṅ: Finlàndia meridiunàla, Finlàndia usidentàla, Finlàndia urientàla, Oulu, Lapògna e Åland. Al sò presidènt 'l è Sauli Niinistö mént'r al prim minìst'r al s ciàma Sanna Marin.
Culegamènt estéran
