Cherna

La cherna (dal latèin car-nem ch'al vin a sô vòlta dal gréch kar = kra, kru = dvintèr dur, o dal sànscrito kru-ras = sanguinàri)^[1] l'è la pèrta dal móschel e di tessû atàc di animèl da macèl, da curtìl e 'd qui selvàtich, e s'intènd anca la pèrta ch'a s pól magnèr di pàss e di mollósch. Legalmèint, con sta paròla chè, in Europa a s stà ad indichèr^[2] tót al pèrti ch'i s pólen magnèr, anca al sànguv, dla famìa di chèvri, di pécri, di vach, di cavàl, di èsen, di pói, di cunéi, di lévri, di tòch e dla selvagìna.

• (CARPŚ) Cherna ch'a crès, la guìsa come 'n pès. Cherna ch'a cala, sèimper la bacàia: I zóven i gh'àn 'l argìnt adòs mèinter che ai vèć a gh'è armèś sōl da bacaièr.