Anna Oxa

L’Anna Hoxha, cgnusùda méj c'n al nóm 'd art 'd Anna Oxa (Bari, 28 'd Avrìl dal 1961), l'è na cantànta e 'n persunàǵ televiśìṿ itagliàṅ, fiōla 'd 'n albanéś vgnû a star in Itàglia. In dal 1979 l'à recitâ da prutagunìsta in dal film Maschio, femmina, fiore, frutto.

In dla sò caréra l'à fat vgnir fóra vint-a-tri disc, daśdòt in studi, dū da 'l viṿ e tri racòlti. Al sò prim trénta-tri gir 'l è stâ Oxanna dal 1978 c'n al sìngul Un'emozione da poco scrit par lē da Ivano Fossati p'r èsar preśentâ a 'l Fèstival ad Sanrémo, manifestasiòṅ che lē l'à pò vins par dū vòlti, in dal 1989 cun Ti lascerò (cantàda insém a Fausto Leali) e in dal 1999 cun Senza Pietà. Fra i sò pès più cgnusû a 'rcurdém anc Il pagliaccio azzurro, Fammi ridere un po’, È tutto un attimo, Donna con te, Quando nasce un amore, Senza di me, Storie e Tutti i brividi del mondo.

In dal 1988 e in dal 1989 l'à preśentâ cun sucès al prugràma dal sàbat sira 'd Raiuno Fantastico, prima cun Enrico Montesano e pò cun Massimo Ranieri. Sèmp'r in televiśiòṅ l'à cundót al Fèstival ad Sanrémo dal 1994 insém a Pippo Baudo e l'à tòlt part a Torno sabato ad Giorgio Panariello in dal 2001. Dòp n'esperiénsa cuma cuncurènta a Ballando con le stelle (2013), in dal 2016 la fà la giùdas a Amici di Maria De Filippi.

• 1978 - Oxanna
• 1979 - Anna Oxa
• 1983 - Per sognare, per cantare, per ballare
• 1984 - La mia corsa
• 1985 - Oxa
• 1986 - È tutto un attimo
• 1988 - Pensami per te
• 1989 - Tutti i brividi del mondo
• 1992 - Di questa vita
• 1993 - Do di petto (àlbum 'd arfacimènt)
• 1993 - Cantautori (àlbum ad cover)
• 1994 - Cantautori 2 (àlbum ad cover)
• 1996 - Anna non si lascia
• 1999 - Senza pietà
• 2001 - L'eterno movimento
• 2003 - Ho un sogno
• 2010 - Proxima

• 1990 - Oxa live con i New Trolls
• 2006 - La musica è niente se tu non hai vissuto

• 1988 - Fantastica Oxa
• 1997 - Storie - I miei più grandi successi
• 2001 - Collezione

• 1980 - Controllo totale

• 1979 - Maschio, femmina, fiore, frutto, regìa ad Ruggero Miti

• (IT) Al sò sit ufisiàł