Donald Trump
Si Donald John Trump (natawo Hunyo 14, 1946) mao ang lugayna ug negosyante. Nag-alagad siya isip ika-45 nga Pamuno-Nasod sa Tinipong Bansa sa Amerika gikan sa 2017 hangtod 2021 ug isip ika-47 nga Pamuno-Nasod usab sa 2025. Siya ang ikaduhang presidente sa kasaysayan sa Amerika nga napili nga dili sunod-sunod, pagkahuman kang Grover Clevelan.
Nakahuman si Trump gikan sa Wharton nga aduna'y bachelor’s degree niadtong 1968. Nahimo siyang presidente sa patigayon sa balay ug lote sa iyahang amahan nga si Fred Trump niadtong 1971 ug giilisan kini og ngalan nga The Trump Organization. Gipalapdan ni Trump ang mga operasyon sa kompanya ngadto sa pagtukod ug pag-ayo sa mga dakbalay nga tag-as, balay-abtanan, sugalanan, ug mga golf course. Sa ulahi misugod siya sa mga kilid nga patigayon, kasagaran pinaagi sa paglilisensya sa iyahang ngalan. Gikan sa 2004 hangtod 2015, gidumala niya ang kamatuoran-telebisyon nga The Apprentice. Si Trump ug ang iyahang mga kanegosyohan nalambigit sa kapin sa 4,000 ka estado ug pederal nga mga ligal nga aksyon, lakip ang unom ka pagkabangkaruta.
Ang pagkabutang sa lugaynon ni Trump gihulagway nga populista, proteksyonista, isolatyonista ug nasyonalista. Nadaog niya ang piniliay sa pagkapamuno sa Tinipong Bansa sa tuigang 2016 isip nominado sa Republikano batok sa nominado nga Demokratiko nga si Hillary Clinton apan napildi ang popular nga boto, ug nahimong unang Pamuno-Nasod sa Tinipong Bansa nga wala'y naunang serbisyo militar o kagamhanan. Ang iyahang pagkapili ug mga palisiya nagpahinabog daghang mga protesta. Ang imbestigasyon sa espesyal nga magtatambag sa tuigang 2017–2019 nga gipangunahan ni Robert Mueller ug gitukod niya ang Panghilabot sa Rusya sa piniliay sa tuigang 2016, aron makaayohan sa kampanya ni Trump, apan dili nagkunsabo ang mga sakop sa kampanya ni Trump o nakig-alayon sa Rusya. Nakahimo si Trump og daghang mga bakak ug makapahisalaag nga mga pahayag sa atol sa iyang mga kampanya ug pagkapresidente, sa usa ka ang-ang nga wala pa sukad sa kalugaynon sa Amerika, ug gipasiugda ang mga teyoriya sa panagkunsabo. Daghan sa iyahang mga komento ug aksyon ang gihulagwayan nga tigpamihig sa kaliwatan, ug kasagaran kusganong gipihig batok sa kababayen-an.
Niadtong Nobiyembre 2020, napildi si Trump sa iyahang pagkapili pag-usab ngadto kang kanhi Bise Presidente ngs si Joe Biden human sa piniliay sa tugiang 2020.
 | Kinìng maong bayograpikong artikulo bahin sa politiko o lugayna mao usa ka Saha. Makatábang ka sa Wikipedya pinaági sa pag-uswág ug pag-punô niini. |
