Trường Chinh
| Reizh pe jener | paotr  |
|---|---|
| Bro ar geodedouriezh | Viêt Nam |
| Anv e yezh-vamm an den | Trường Chinh |
| Anv-familh | Deng |
| Deiziad ganedigezh | 9 C'hwe 1907 |
| Lec'h ganedigezh | Quảng Ngãi |
| Deiziad ar marv | 30 Gwe 1988 |
| Lec'h ar marv | Ha Noi |
| Bugel | Đặng Xuân Kỳ |
| Yezhoù komzet pe skrivet | vietnameg |
| Micher | politiker |
| Karg | Chairman of the National Assembly of Vietnam, Q118465154 |
| Bet war ar studi e | Lycée Albert Sarraut |
| Strollad politikel | Communist Party of Vietnam |
| Brezel | Brezel Vietnam |
| Prizioù resevet | Order of Klement Gottwald, Gold Star Order, Order of Lenin, honorary citizen of Kyiv, Order of the October Revolution |
Trường Chinh (lesanv, "Ergerzhadenn Veur"; Đặng Xuân Khu diouzh e wir anv) (1907 - 1988) a oa unan eus pennoù komunour Viêt Nam.
Dont a reas da vezañ ezel eus Strollad Komunour Viêt Nam dindan beli Hồ Chí Minh er bloavezhioù 1930, nebeudig goude ma oa bet krouet.
E 1941 e teuas da vezañ Trường Kentañ Sekretour ar Strollad Komunour, an eil ezel pouezusañ er Strollad goude Hồ Chí Minh e-unan.
Er bloavezhioù 1950 e oa bet lakaet e pleustr gant Trường ur politikerezh evit kemmañ al labourerezh-douar e Norzh Viêt Nam levezonet gant ar pezh a oa bet kaset da benn gant Mao. C'hwitañ war an taol a reas avat ha mervel a reas meur a hini gant an naon. Diwar se hag ar fed ma save a-du gant Mao a-enep da niver-brasañ ar Strollad hag a glaske stardaat al liammoù gant an Unaniezh Soviedel kentoc'h evit gant Sina e oa bet skarzhet diouzh e bost a Sekretour-Meur 1956, daoust ha ma kendalc'has da vezañ ezel eus ar Burev Politikel.
Da heul adunvanidigezh Viêt Nam e 1976 e oa bet gounezet gantañ ur stourm evit ar galloud e diabarzh ar Strollad ha dont a reas da vezañ Prezidant (Kadoriad Kuzul ar Stad) adal 1981 betek 1987 pa roas e dilez abalamour da gudennoù yec'hed hag ivez abalamour da stourmoù diabarzh all.
Etre miz Gouere 1986 betek miz Du 1986 e oa-eñ ivez Sekretour Meur ar Strollad da heul marv Lê Duẩn.
Oberenn skrivet
[kemmañ | kemmañ ar vammenn]- Trường Chinh, Hồ Chí Minh, Editori Riuniti, lakaet en italianeg gant Ida Bassignano, 96 pajenn, Roma, 1969.