Llywelyn ap Gruffudd

Llywelyn ap Gruffudd

den

Reizh pe jener	paotr
Bro ar geodedouriezh	Kembre
Anv e yezh-vamm an den	Llywelyn ap Gruffudd
Anv-bihan	Llywelyn
Titl noblañs	Priñs Kembre
Deiziad ganedigezh	1220, 1223
Deiziad ar marv	11 Kzu 1282
Lec'h ar marv	Llanfair-ym-Muallt
Tad	Gruffudd ap Llywelyn Fawr
Mamm	Senana
Breur pe c'hoar	Dafydd ap Gruffudd, Rhodri ap Gruffudd, Owain Goch, Gwladus ferch Senana
Pried	Elinor de Montfort
Bugel	Gwenllian ferch Llywelyn, Catrin ferch Llywelyn ap Gruffudd
Familh	House of Aberffraw
Micher	monark
Karg	Rouantelezh Gwynedd

Gwelout ivez Llywelyn ap Iorwerth (Llywelyn Fawr) ha Llywelyn.

Llywelyn ap Gruffudd (lesanvet bremañ Llywelyn Ein Llyw Olaf, da lavarout eo Hon Diwezhañ Levier) (war-dro 1228-11 a viz Kerzu 1282), eo diwezhañ Priñs Kembre dieub, lazhet e Cilmeri e 1282 gant soudarded Edouarzh Iañ, roue Bro-Saoz.

Mab e oa da Gruffudd ap Llywelyn Fawr, mab-bihan eta da Llywelyn Fawr, priñs Kembre.

Unan eus pevar mab Gruffydd ap Llywelyn Fawr e oa. E dad a oa mab bastard da Llywelyn ap Iorwerth (Llywelyn Fawr). Dizemglev zo da c'houzout hag an trede pe ar pevare mab e oa: sur eo ne oa ket ar mab henañ.

Brezeliñ a eure enep e eontred hag e vreudeur dreist-holl, Owain, Dafydd ha Rhodri. Dont a-benn a eure Llywelyn da c'honit warne en emgann Bryn Derwin ha da vout roue Gwynedd e 1258 ha roue Kembre, un dra nevez, rak ne veze ket kaoz c'hoazh eus Kembre evel ur vro met evel un douar rannet etre meur a rouantelezh istorel,

Ma oa Llywelyn ur pennbrezel ampart ne oa ur politikour fin evel e dad-kozh ha dirakañ e oa un enebour dañjerus, Edouarzh Iañ. Ma karje bezañ graet emglev gant Tiegezh Simon V Montfort. Pa voe graet marc'had da zimeziñ Llywelyn hag Elinor de Montfort, merc'h Simon, e kemeras Edouarzh droug hag e tapas al lestr a gase ar plac'h eus Bro-C'hall da Vro-Saoz, hag e talc'has anezhi evel prizoniadez e kastell Windsor.

Bep bloaz e vez lidet Diwrnod Llywelyn Ein Llyw Olaf (Devezh Llywelyn Hon Friñs Diwezhañ) d'an 11 a viz Du e Cilmeri.

• A.D. Carr, Llywelyn ap Gruffudd (Caerdydd, 1982)
• J. Beverly Smith, Llywelyn ap Gruffudd, Tywysog Cymru (Caerdydd, 1986). ISBN 0708308848