Oganesson

Oganesson
Tenness – Oganesson
Rn Og Taolenn beriodek
Perzhioù hollek
Niver atomek	118
Rummad kimiek	Gaz nobl
Strollad	18
Trovezh	7
Bloc'h	p
Tolz atomek	[294]
Aozadur elektronek
Aozadur elektronek an atomoù [Rn] 5f14 6d10 7s2 7p6[1]
Dasparzh an elektronoù : 2, 8, 18, 32, 32, 18, 8
Perzhioù atomek
Niver oksidadur	(stlenn ebet)
Tredanleiegezh	(stlenn ebet) (Skeul Linus Pauling)
Gremmoù ionadur	1 : 839 kJ/mol 2 : (stlenn ebet) 3 : (stlenn ebet)
Skin atomek	(stlenn ebet)
Skin kenamsav	157 pm
Skin Van der Vaals	(stlenn ebet)
Perzhioù fizikel
Arvez	Gaz (diouganet)
Douester (≈20 °C)	5,7 g/cm3 (brasjedet)
Teuzverk	(stlenn ebet)
Bervverk	(stlenn ebet)
Tredanharzusted	(stlenn ebet) nΩ•m (e 20 °C)

Muioc'h a restroù diwar-benn

Oganesson

a vo kavet e Wikimedia Commons.

An oganesson zo un elfenn gimiek kevanaozet gant mab-den ; 118 eo he niver atomek hag Og he arouez. Skinoberiek-kenañ eo. War-dro 0,181 eilenn hepken eo hanter-vuhez an izotop stabilañ a anavezer, ²⁹⁵Og.
E taolenn drovezhiek an elfennoù emañ er strollad 18, an drovezh 7 hag ar bloc'h p, hini an elfennoù ez eo ns² np^1–6 o aozadur elektronek.

En Ensavadur Unvanet an Enklaskoù Nukleel (Joint Institute for Nuclear Research, JNJR ; ruseg : Объединённый институт ядерных исследований, ОИЯИ) e Dubna (Oblast Moskov) e voe kevanaozet an elfenn nevez er bloaz 2002 dre genlabour ur skipailh rusian, renet gant ar c'helenner Youri Oganessian (ganet e 1933), hag unan stadunanat el Lawrence Livermore National Laboratory e Livermore (Kalifornia) dre skinata atom Kaliforniom-249 gant ionoù Kalkiom-48.
E miz Kerzu 2015 e voe anzavet labour ar skipailh gant an International Union of Pure and Applied Chemistry (IUPAC)^[2]

E miz meurzh 2016 e kinnigas an IUPAC envel an elfenn nevez en enor da Youri Oganessian, en devoa labouret war an dachenn e-pad 60 vloaz. Oganesian a voe kinniget neuze, en ur chom tost d'ar reizhskrivadur rusek (Оганесян), met nac'het e voe gant ar JNJR war zigarez ma chome gant an hengoun soviedel da dreuzskrivañ an anvioù hervez an doare gallek, ha ma vije oganesson tostoc'h da skeivadur etrebroadel anv ar skiantour. E miz Mezheven ez embannas neuze an IUPAC kavadenn an oganesson, an elfenn ₁₁₈Og^[3].

Ne ouzer netra a-zivout an elfenn ₁₁₈Og er-maez eus he aozadur elektronek abalamour ma'z eus bet kenderc'het kalz re nebeut a atomennoù, ha ma tigevanont kalz re vuan.

Daou izotop eus ₁₁₈Og zo bet kavet betek-henn^[4].

A-zivout ar bann "Digevanañ"

• α a dalvez ez eztaol an elfenn ur rannig alpha (kraoñell ₂He) en ur zigevaniñ.
• SE : skiriadur emdarzh ; pa vez atomennoù pounner-kenañ o tizhout un tolz atomek tro-dro da 56 e torr e kraoñelloù bihanoc'h.