Gwir Vretoned

Ur pennad Gwir Vretoned (levrig) zo ivez.

Gwir Vretoned zo ur meulgan da Vreizh ha d'ar Vretoned savet gant Paotr Treoure war don Seziz Gwengamp (evit an diskan hepken) a gaver e Barzaz Breiz, hag a zo bet brudet-kenañ e Bro-Leon.

Tost e vije an ton d'ur ganaouenn gozh e kembraeg, Rhyfelgyrch Gwŷr Harlech ("Kan-bale Gwazed Harlech").

Kanet e veze er skolioù ha sonet gant ar bagadoù kentañ, gwechall dreist-holl, ha kanet e vez gant lazoù-kanañ^[1]^,^[2].

Pozioù

O va Breizh gant da dourioù brudet
Da vor glas ha da venezioù
Da vrug ruz ha da lann alaouret
Te zo koant dreist an holl vroioù

diskan :
Gwir Vretoned, tud a galon war-sav
Da ganañ gloar da Vreizh hor bro
Ha da ziwall teñzor he yaouankiz
Ar yezh, ar peoc'h, ar frankiz
War-sav, war-sav !
Da ganañ 'bouez-penn
Breizh da virviken, Breizh da virviken !

N'ez eus ket 'vel e-touez hor c'herreg
A dud vat seder ha nerzhus
N'ez eus ket 'vel en hor brezhoneg
Sonioù drant, gwerzhioù dudius

(diskan)

Hon tud-kozh, tud leal ha santel
Start evel an derv kalet
A ouezas mirout da Vreizh-Izel
He brud vat, he nerzh, he c'hened

(diskan)

Bretoned, savomp hor c'halonoù
Ha touomp e talc'himp atav
Da vale war roudoù hon tadoù
'Keit ha ma'z ay ar bed en-dro !

(diskan)

Pladennoù

Pladenn "Kanomp Uhel", embannadur Coop Breizh

Levrlennadur

Yann-Vari Perrot : Sonioù Feiz ha Breiz, embannet e 1930.
Kanomp uhel !, dastumad embannet gant Coop Breizh, 1996 (ISBN 978-2-909924-38-0)

Liammoù diavaez

Sellet er Wikimammenn : Gwir Vretoned.

Pennadoù kar

Gwir Vretoned (levrig), dastumad kanaouennoù.
Kenavo deoc'h, gwir Vretoned

Notennoù

[1] Gant ul laz

[2] Gant un daouad

[1]

[2]