Gerioù-kroaz

hobby
Iskevrennad eus	word puzzle
Pleustret gant	crossword creator
Tikedenn Stack Exchange	https://stackoverflow.com/tags/crossword

Ur c'hoari eo ar gerioù-kroaz ma klasker leuniañ ur gael gant gerioù a-blom hag a-serzh gant sikour divinadelloù. Ar gerioù-se zo kroaziet kenetrezo, lizherenn a-blom unan o vezañ lizherenn a-serzh ur ger all. Alies e vez karrezoù du ma n'eus ket da lakaat tamm lizherenn ebet. Ur c'hoari mat eo evit diorren ar poell hag an eñvor.

Istor

Gant ar c'hazetenner Arthur Wynne (1871-1945) e voe ijinet e ar c'hoari-se e 1913 e Stadoù-Unanet Amerika ; ar gerioù-kraoz kentañ a voe embannet d'an 21 a viz Kerzu er gazetenn New York World.

Deuet eo ar c'hiz e Bro-C'hall gant ar gelaouenn Dimanche illustré^[1] d'an 9 a viz Du 1924^[2].

E brezhoneg ez eo Kannadig Gwalarn a embannas ar gerioù-kroaz brezhonek kentañ e 1933^[3], heuliet gant ar c'helaouennoù SAV e 1936^[4] ha Gwalarn e 1939^[5].

Er bloavezhioù 1970, Yann Desbordes a ginnige gerioù-kroaz er gelaouenn Armor Magazine, ha pelloc'h Pierre Salaün en deus graet e vel gant pinvidigezh brezhoneg Enez-Sun evit kinnig gerioù-kroaz "e bredonneg ar gear"^[6].

Levrlennadur

Frañsoaz Lermen, Gerioù-kroaz ar Vretoned, Emb. Al Lanv, 1999.
J.F. Peden, Gerioù-kroaz, Emb. Keit vimp bev, 2014.
Bep sizhun e vez gerioù-kroaz brezhonek er gazetenn Ya!.

Gwelout ivez

Gerioù-bir

Notennoù

↑ (fr) Dimanche illustré
↑ (fr) Michel Feltin-Pallas, Gloire aux mots croisés, L'Express, 18/04/2023
↑ Kannadig Gwalarn'
↑ SAV
↑ Gwalarn
↑ Bernez Rouz, Ar gerioù-kroaz (Les mots croisés), passe-temps des bretonnants depuis les années trente, Dimanche Ouest-France, 7/05/2023

[1] (fr) Dimanche illustré

[2] (fr) Michel Feltin-Pallas, Gloire aux mots croisés, L'Express, 18/04/2023

[3] Kannadig Gwalarn'

[4] SAV

[5] Gwalarn

[6] Bernez Rouz, Ar gerioù-kroaz (Les mots croisés), passe-temps des bretonnants depuis les années trente, Dimanche Ouest-France, 7/05/2023

[1]

[2]

[3]

[4]

[5]

[6]