bez

Gwelet ivez : bez'

Brezhoneg

Etimologiezh

(Anv-kadarn) Meneget er C'hatolikon.

Da geñveriañ gant ar gerioù bedd en kembraeg, beth en kerneveureg, bedo- en galianeg.

(Furm verb 1) Savet diwar « bez- », pennrann ar verb « bezañ », hep dibenn-ger.

(Furm verb 2) Savet diwar « bez- », pennrann ar verb « beziañ », hep dibenn-ger.

Anv-kadarn

bez /ˈbeːs/ gourel (liester bezioù)

Toull en douar ma vez lakaet ur c'helan, korf un den marv.
- Hep bro ! hep koun ! hep glâd ! hep iez !..
Diskenn, paour kez Gallo, er bez. — (Erwan Berthou, An den dic'hriziennet, La Résistance, 7 Mae 1904, p. 1d.)
- Bep Sul e taoulinont war bezioù o zud marv ha n'hellont ket mont ha dont d'an iliz hep tremen dre ar vered. — (Tad Medar, An Tri Aotrou, 1981, p. 89.)
Bez (bras).

Gerioù kevrennek

Deveradoù

Divinadelloù

— « Divin d'it a zo bet beo, hag a zo maro, hag a vale war an dud varo. » Piou a zibuno ? Den na respontas. — Ar votez-ler, pa vale war eur be. — (Fañch al Lae, Bilzig, Kemper, 1925, p. 45.)

Troidigezhioù

(1)

galleg : tombe ^(fr) , tombeau ^(fr)
kembraeg : bedd ^(cy)

kerneveureg : beth ^(kw)
nederlandeg : graf ^(nl) nepreizh
saozneg : grave ^(en)

(2)

galleg : sépulcre ^(fr)
kembraeg : beddrod ^(cy)

nederlandeg : grafkamer ^(nl)
saozneg : sepulchre ^(en)

Furm verb 1

Indezeuropeg	Henamzer uhel Kentkeltiek h.a.	Henamzer Predeneg h.a.	Krennamzer uhel Henvrezhoneg h.a.	Krennamzer izel Krennvrezhoneg h.a.	Amzerioù modern Brezhoneg h.a.	Yezhoù all
*bʰuH-^(en),(fr)	*butā				bez
					bydh	Kerneveureg
					bydd	Kembraeg
						Gouezeleg

bez /ˈbeːs/

Furm ar verb bezañ e trede gour unan an amzer-vremañ, en doare-disklêriañ, stumm boaz.
e frazennoù eeun: a vez, e vez, ne vez, ne vez ket, pa vez
- Ar saout a vez goroet div wech bemdez. — (Jules Gros, Le trésor du breton parlé Deuxième Partie, 1970, p. 456.)
- Kaer e vez kaoud madou, ma na vezez ket eüruz, ne ziverrez netra ganto. — (Jules Gros, Le trésor du breton parlé Deuxième Partie, 1970, p. 124.)
en un islavarenn-amzeriañ
- Pa vez erc'h war an douar ne vez na tomm na klouar.
en un islavarenn-vartezeañ ( mar bez, ma vez)
- Mar bez erc'h ne vo ket boued d'al loened.
- Ma vez re bell o kerc'had bara e tapo e gerc'h. — (Jules Gros, Le trésor du breton parlé Deuxième Partie, 1970, p. 252.)
- Ha mar be sonerien, me danso,
  Ha mar na ve ket, me a gano ! — (Fañch an Uhel, Gwerziou Breiz-Izel 2, An Oriant, 1874, p. 448.)
Furm ar verb bezañ en eil gour unan an doare-gourc'hemenn, stumm boaz.
- Bez fur. — (Jules Gros, Le trésor du breton parlé Troisième Partie, 1974, p. 74.)
- Bez dinec'h.
- Bez dizoan. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 178.)
Stumm berraet eus an anv-verb bezañ, skrivet bez'.
Er verb en devout, war lerc'h am, ha hor a dro da pez (war-lerc'h az hag ho) d'ober az pez hag ho pez
- Te n’az pez gwenneg ebet kammed pa vez da dro da baeañ. — (Jules Gros, Le trésor du breton parlé Troisième Partie, 1974, p. 192.)