فاس

فاس
‫فـاس‬ (ar) Fès (fr)
لغروب فلمدينة لقديمة ديال فاس
تاريخ التأسيس	789
لبلاصة
لبلاد	لمغريب
لإقليم	عمالة فاس
لإدارة
لعمدة	دريس لأزمي لإدريسي (2015)
السكان
شحال دالسكان	1,112,072 (2014)
شحال دلفاميلات	17,342 (2014)
لجغرافيا
لميساحة	320 كم²
لعلو	408 م
خط الطول بـ °	-5.01594543
خط لعرض بـ °	34.03900468
معلومات خرا
توقيت ديال لمدينة	ڭرينيتش + 1
نمرة التيليفون لمحلية	05356
كود د لبوصطة	30000–30206
السيت الرسمي	portaildefes.ma
الرمز لجغرافي	2548885
لخريطة

فاس (ب لأمازيغية ⴼⴰⵙ، ب لفرانساوية Fez ولا Fes) مدينة فالوسط الشمالي ديال لمغريب و بالضبط فسهل سايس على ملتقى واد سبو معا واد فاس، و هيا لعاصمة ديال جهة فاس-مكناس، و تاني أكبر مدينة مورا كازا، حيت ساكن فيها 1.22 مليون واحد.

فاس تبنات فعهد لأدارسة عام 789. و كانت فاللول مقسومة على جوج مدون مستاقلّات وحدة على لاخرى، و اصل سكانها كانو من تونس (عدوة القرويين) و من الاندلس (عدوة الاندلسيين). و بقات فاس مقسومة تال القرن حضاش فعهد السلطان المرابطي، يوسف بن تاشفين، عاد توحدو العدوات فمدينة فاس البالي، مدينة فاس تبنات فعهد الادارسة مابين القرن التامن و التاسع. و كانت فاللول مقسومة على جوج مدن مستاقلّات وحدة على لاخرى، و سكانها اللولين كانو من تونس (عدوة القرويين) و من الاندلس (عدوة الاندلسيين). و بقات فاس مقسومة تال القرن حضاش فعهد السلطان المرابطي، يوسف بن تاشفين، عاد توحدو العدوات فمدينة فاس البالي. تحت حكم المرابطين فاس ولّات معروفة بالعلم و الفقه و الدين و التجارة.

فاس وصلات للدروة ديالها فعهد المرينيين (القرن 13 و15)، فاش ولات عاصيمة عاودتاني. بزّاف ديال المدارس و الجوامع جداد تبنات، و كتيرتهوم باقيين لدابا، و شلّا بني ترمم. و هاد البنايات كاتعتابرو دابا من احسن ما نتجو المور (المغاربة) فالمعمار.

فعام 1276، السلطان ابو يوسف يعقوب بنا حي فاس الجديد،  فين القصر الملكي باقي لليوم، و اللي تزاد عليه شلا جرادي، و فهاد العهد فاش تزاد عدد اليهود و بناو الملّاح ف الجنوب ديال فاس الجديد، ولكن مورا سقوط المرينيين، المدينة نقصات قيمتها و ولات كاتنافس مع مراكش على السلطة.

فاس كانت لعاصمة د لمغريب بزاف د لمرات ولبزاف د الدول. أخر مرة كانت عاصيمة كانت ف 1912، من موراها ردً ليستعمار لفرانساوي الرباط هي لعاصيمة.فاس فيها بزاف د لمأتر التاريخية لمعروفة بحال جامعة لقرويين ولمدراسة لبوعنانية، وهادشي اللي خلاها موقع د ترات لعالامي د ليونيسكو.

سمية فاس جات من كلمة فاس، و هو واحد الاداة ديال الحفير و الفلاحة، و تسمات هكّا علاحقاش الخرّيفة كاتݣول بللي مولاي ادريس التاني استعمل فاس من الدهب و النقرة باش يرسم حدود المدينة.^[مصدر؟]

أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 215.812 لي ساكنين ف فاس، سوا مغاربا ؤلا أجانب.^[1]

بحكم أنها فدير الاطلس فاس الجو ديالها كايتعتابر سخون الصيف متوسطي ( على حساب تقسيم كوبن)

لمدينة لقديمة د فاس مسجلة ف الليستا د التراث العالمي د ليونيسكو من 1981.^[2] كاينين بزاف ديال لمعالم ف لمدينة لقديمة بحال لجامعة د لقرويين و لمدارس و لفنادق و لقصورة و الجوامع.

المدينة فيها مطار دولي، مطار فاس سايس، و محطة ديال تران تابعة للمكتب لوطني للطرق لحديدية، و هاد لمحطة كاتدي للشرق تال وجدة، و للغرب تال طنجة وكازا.

• 
  لمدينة لقديمة د فاس
• 
  باب بوجلود فالدخلة د فاس

• لمدينة لقديمة د فاس

تقدر تزيد شوف بزاف د تّصاور و لمعلومات ديال Fes ف ويكيميديا كومنز.