Toyota Prius

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Toyota Prius}} ~~~~

Toyota Prius
serie de modelos de automóviles (es)
vehículo híbrido eléctrico (es) , automóvil subcompacto (es) y segmento C (es)
Información
Fabricante	Toyota
Marca	Toyota
Historia
Entrada en serviciu	avientu 1997
Web oficial

El Toyota Prius ye un automóvil, con motor de gasolina y llétricu. Ye'l más conocíu nel sector del coche miestu y, al empar, el más vendíu a nivel mundial.

El modelu inicial, puestu a la venta en Xapón l'añu 1997, y dempués nos Estaos Xuníos y n'Europa, consiguió muncha notoriedad, pero un espardimientu llindáu.

La segunda xeneración, comercializada'l 2003 en Xapón y nos Estaos Xuníos, y un añu más tarde n'Europa, ta esfrutando d'una más gran popularidá, sobremanera a Estaos Xuníos.

La tercer xeneración, llegada nel mercáu européu a la segunda metá del 2009, presenta una serie de meyores téuniques y d'equipamientu, calteniendo la estructura y la imaxe del modelu anterior.

El Prius foi diseñáu pa consiguir los meyores rendimientos enerxéticos. La carrocería, abondo espaciosa pa ser considerada un modelu familiar alcontradizu, esfruta d'un coeficiente Cx de 0,26,pal Prius II y de 0,25 pal Prius III, d'un acabáu d'altu nivel y consiguió la máxima calificación, cinco estrelles, nes pruebes de seguridá de la EuroNCAP.

Incorpora novedaes como la direición llétrica, que yá se foi popularizando n'otros modelu y marques. Pero, el nucleu diferencial d'esti modelu ye'l que Toyota denomina Hybrid Sinergy Drive (HSD, el conxuntu de motores llétricos y térmicu que, amestáu a un sistema de tresmisión automáticu bien bien consiguíu, dexa a esti vehículu circular con total fluidez y suavidad, mercés a la xestión electrónica. Al conductor nun-y hai qu'activar nengunu otru mandu sinón los habituales nun coche con cambéu automáticu, ensin percibir l'intercambiu y combinación d'unidaes motores, casi constando en circulación urbana, si nun les repara a la pantalla afecha. Nesti modelu la única fonte d'enerxía provién del motor térmicu, o sia de la combustión de combustible, y que nun fai falta, nin hai la posibilidá, de recargar enerxía llétrica esterior. El motor de gasolina ye'l qu'apurre enerxía a la batería cuando precisa recàrrega, magar el sistema de frenos dexa recuperar la enerxía cinética del coche pente medies de unu de los motores llétricos, qu'actúa como xenerador llétricu. Nun hai que dicir qu'esti sistema de recarga ye dafechu automáticu, y, si fai falta, utiliza los cuatro frenos de discu tradicionales pa parar rápido'l vehículu.

Cola voluntá de faer un coche respetuosu col mediu ambiente, el constructor consiguió escelentes resultaos al Michelin Challenge Bibendum y foi galardonado como coche del añu 2004 a los Estaos Xuníos y del 2005 n'Europa.

• Semeyes ya presentación del nuéu modelu 2009 (en)
• Michelin Challenge Bibendum Archiváu 2004-02-08 en Wayback Machine(n'inglés)
• European New Car Assessment Programme (en)
• Mi Toyota Prius Forum (esp)