Tenerife

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Tenerife}} ~~~~

Tenerife
Tenerife (es)
Situación
País	España
Autonomía	Canaries
Provincia	provincia de Santa Cruz de Tenerife
Tipu	islla volcánica
Parte de	Islas Canarias (es)
Asitiáu en	Océanu Atlánticu
Coordenaes	28°16′07″N 16°36′20″W / 28.2686°N 16.6056°O / 28.2686; -16.6056
Tenerife Tenerife (España)
Tenerife Tenerife (Islles Canaries)
Datos
Altitú media	10 m
Puntu más altu	Teide
Superficie	2034 km²
Población	931 646 (2022)
Fusu horariu	UTC±00:00
Web oficial

Tenerife ye una islla, la mayor y más habitada de les siete islles Canaries, asitiaes nel norte d'África y pertenecientes al reinu d'España. Ye la de más población d'ente toles españoles: nos sos 2.034,38 km² viven 898.680 habitantes, el 43% de tolos canarios. Tenerife ye la mayor y más poblada de les islles de Macaronesia.

La islla ye ún de los más importantes destinos turísticos d'España y del mundu. Recibe cinco millones de visitantes al añu, qu'aporten a ella per barcu o por dalgún de los sos dos aeropuertos. Agospia ún de los mayores carnavales del mundu, y ye'l centru económicu del archipiélagu.

La so capital, Santa Cruz de Tenerife, ye la sede de la institución de gobiernu de la islla, el cabildu, y ye co-capital, xunto con Las Palmas de Gran Canaria, de la Comunidá Autónoma de les islles Canaries. Santa Cruz foi, de magar 1833, cuando se dividió España en provincies, hasta 1927, la capital única de l'archipiélagu, pero la Corona ordenó nesi añu que la capitalidá fora compartida. En Santa Cruz asítiase l'Auditoriu de Santa Cruz, símbolu arquiteutónicu de les islles Canaries.

Na islla alcuéntrase tamién, na ciudá de San Cristóbal de La Laguna, que fora capital del archipiélagu primeru de 1833 y que'l so cascu antiguu ye Patrimoniu de la Humanidá, la más antigua universidá canaria: la Universidá de La Laguna. Otru llugar declaráu Patrimoniu de la Humanidá ye'l Parque Nacional del Teide, asitiáu metanes la islla. El Teide ye'l monte más altu d'España, el mayor de cualesquier islla del océanu Atlánticu, y el terceru mayor del mundu por altor midíu dende la so base. Al noroeste de la islla alcuéntrase'l macizu d'Anaga, Reserva de la Biosfera dende 2015, que ye'l llar del mayor númberu d'especies endémiques nún mesmu espaciu protexíu de toa Europa.

• Wikimedia Commons acueye conteníu multimedia sobre Tenerife.
• Cabildo de Tenerife