Equuleus

El Caballín Equuleus
Carta celeste de la constelación del Caballín na qu'apaecen les sos principales estrelles.
Nomenclatura
Nome n'asturianu	El Caballín
Nome en llatín	Equuleus
Xenitivu	Equulei
Abreviatura	Equ
Descripción
Introducida por	Conocida dende l'Antigüedá
Superficie	71,6 graos cuadraos 0,174 % (posición 87)
Ascensión reuta	Ente 20 h 56,18 m y 21 h 26,33 m
Declinación	Ente 2,48° y 13,04°
Visibilidá	Completa: Ente 77° S y 90° N Parcial: Ente 87° S y 77° S
Númberu d'estrelles	16 (mv < 6,5)
Estrella más brillante	Kitalpha (mv 3,92)
Oxetos Messier	Nengunu
Oxetos NGC	4
Oxetos Caldwell	Nengunu
Lluvies de meteoros	Nenguna
Constelaciones colindantes	3 constelaciones Aquarius Delphinus Pegasus
Meyor mes pa ver la constelación Hora llocal: 21:00
Mes	Setiembre
[editar datos en Wikidata]

Equuleus (el caballu) ye la segunda más pequeña de les 88 constelaciones, namái superada pola Cruz del Sur. A pesar d'ello y de nun ser de les más brilloses (nenguna de les sos estrelles supera la magnitú 4), foi tamién una de les 48 constelaciones catalogaes por Ptolomeo.

Equuleus ye acomuñáu col potru Celeris, que foi l'hermanu del caballu aláu Pegasu. Celeris foi regaláu a Cástor por Hermes. Na versión llatina, ye fíu de Pegasu, y ye regaláu a Cástor por Mercuriu, l'equivalente romanu de Hermes.

Equleuus nun ye una constelación particularmente sobresaliente. La so estrella más brillosa ye α Equulei (Kitalpha), de magnitú 3,92.

Hai poques estrelles variables en Equuleus. Namái cerca de 25 son conocíes, la mayoría de les cualos son escures. γ Equulei ye una variable Alfa2 Canum Venaticorum, que'l so rellumu varia ente magnitú 4,58 y 4,77 con un periodu de cuasi 12½ minutos. R Equulei ye una variable Mira que'l so rellumu bazcuya ente magnitú 8,0 y 15,7 nun periodu de cerca de 261 díes.

Equuleus contién delles estrelles dobles d'interés. γ Equulei ta formada por una estrella primaria con una magnitú cerca de 4,7 (llixeramente variable) y una estrella secundaria de magnitú 11.6, dixebraes por 2 segundos d'arcu. ε Equulei ta formada por cuatro componentes. Les trés más brillosos son de magnitúes 6,0, 6,3, y 7,2. δ Equulei ye una estrella binaria con una órbita periódica de 5,7 años, que ye al empar la más curtia de los periodos orbitales d'una estrella binaria visual. La separación de los dos componentes del sistema nunca supera los 0,35 segundos d'arcu.

Estrelles con nome propiu:

• (8/α Equ) 3,92 Kitalpha [Kitel Phard, Kitalphar]

  < قطعة الفرس qiţ^cat[o] al-faras Parte del caballu

Estrelles con designación Bayer:

10/β Equ 5,16; 5/γ Equ 4,70; 7/δ Equ 4,47; 1/ε Equ 5,30; 2/λ Equ 6,72

Estrelles con designación Flamsteed:

3 Equ 5,63; 4 Equ 5,94; 6 Equ 6,07; 9 Equ 5,81

Otres estrelles:

O Equulei 14,5; estrella peculiar

Por cuenta de que ye de tamañu pequeñu y la so distancia del planu de la Vía Láctea, Equuleus nun contién oxetos notables de cielu fondu. Son notables les galaxes NGC 7015, NGC 7040, NGC 7045 y NGC 7046.

• Burnham, Robert (1978). Burnham's Celestial Handbook: An observer's guide to the universe beyond the solar system, volume 2. Dover Publications, New York, New York.
• The Bright Star Catalogue, 5th revised ed.

• Wikimedia Commons tien conteníu multimedia tocante a Equuleus.
• The Deep Photographic Guide to the Constellations: Equuleus