Corvera

Corvera
Alministración
País	España
Autonomía	Principáu d'Asturies
Provincia	Provincia d'Asturies
Partíu xudicial	Avilés
Tipu d'entidá	conceyu
Capital	Nubleo
Alcalde de Corvera	José Luis Vega Álvarez
Nome oficial	Corvera de Asturias (es)
Xeografía
Coordenaes	43°31′04″N 5°53′16″W / 43.5178°N 5.8878°O / 43.5178; -5.8878
Superficie	46.01 km²
Llenda con	Avilés, Gozón, Carreño, Xixón, Llanera, Illas y Castrillón
Altitú media	362 m
Demografía
Población	15 612 hab. (2023)
Densidá	339,32 hab/km²
Xentiliciu
Más información
Estaya horaria	UTC+01:00
corvera.es

Corvera^[1] ye un conceyu d'Asturies. Llenda al norte con Avilés y Gozón, al este con Carreño y Xixón, al sur con Llanera y Illas y al oeste con Castrillón. Forma parte de la Cormarca d'Aviles xunto colos conceyos d'Avilés, Gozón, Illas y Castrillón.

La población de Corvera medró enforma al instalase en Tresona, en 1957, la planta de procesáu del aceru d'Ensidesa (anguaño ArcelorMittal). Anguaño tien 15 612 hab. (2023)^[2][3].

Nubleo ye la capital del conceyu, pero la mayoría de l'actividá económica y de la población del conceyu atópase en Les Vegues, Los Campos y Tresona.

La historia de Corvera como conceyu independiente entama nel sieglu XVI, al dixebrase del d'Avilés. Pa ver información anterior a esa época vea la historia d'Avilés.

Nel sieglu XIII l'alfoz de Gauzón pasa a ser conceyu d'Avilés cola mesma distribución xeográfica. Anque Corvera ya apaez como conceyu nesi sieglu, nun ye quién a independizarse de la villa avilesina, y vese obligáu a pagar un tributu añal de 660 maravedinos pa poder esfrutar del Fueru d'Avilés. Va ser nel sieglu XVI cuando apaezca el primer conceyu d'habitantes de Corvera, que se celebró en Cancienes. Nél siguieron faciéndose les reuniones vecinales hasta que, a mediaos del XVII, se tresllada la casa'l conceyu a la Casa de los Bango en Nubleo. Pese a la tardía formación y organización alministrativa del conceyu -nun se conocen ordenances d'elli hasta finales del sieglu XVIII- Corvera yá taba representáu, dende'l sieglu XV, por dos diputaos na Xunta Xeneral del Principáu d'Asturies.

Hasta los últimos años del sieglu XIX la principal actividá del conceyu yera l'agricultura, dirixida principalmente a abastecer a la villa d'Avilés y a la exportación a la Bretaña francesa, principalmente al puertu de Brest (les embarcaciones salíen de Tresona pa evitar el pago de tributos forales a Avilés). Esa dedicación agrícola nun quitó pa que hubiera, por guerres, enfermedaes y males colleches, tiempos de muncha fame nel conceyu. Pa fuxir d'ella muncha de la so población coló pa Cuba o Méxicu. Tocántenes a la industria, a finales del sieglu XIX hai noticia de qu'había una ferrería en Tresona, una cobrería en Cancienes y delles canteres.

Ye na segunda metada del sieglu XX, depués de sufrir les consecuencies de la Revolución Minera d'Asturies en 1934 y de la Guerra Civil Española (1936-1939) cuando camuden les condiciones demográfiques y económiques del conceyu cola implantación de la siderurxica ENSIDESA (güei ArcelorMittal), en Tresona. El conceyu pasa de ser emigrante a recibir xente de Galicia, Castiella, Lleón, Andalucía y Estremadura. Tala fue la cantidá de trabayadores foriatos que'l conceyu viose desbordáu, llegando a alquilase paneres y horros a delles persones, que compartíen les cames por turnos pa poder dormir.

Más alantre llegaríen al conceyu otres industries, como la fábrica de Fertiberia, y centros d'ociu y comerciales. Toos ellos s'asitiaron en Tresona, y son la principal fuente d'ingresos impositivos del ayuntamientu. Un ayuntamientu que, sieglos depués, vuelve a tar na órbita de la Villa del Adelantáu, ya que tanto Tresona como Les Vegues y Los Campos formen parte de la conurbación d'Avilés.

Nᵘ Nome Superficie (km²) % superficie Corvera Población % población Corvera Densidá (hab./km²) 1 Tresona 8,32 18,0818,08% 1996, 1983 127 863,07127 863,07% Error d'espresión: Caráuter de puntuación "," non reconocíu. 2 Les Vegues 1,72 3,743,74% 7479, 7275 479 101,17479 101,17% Error d'espresión: Caráuter de puntuación "," non reconocíu. 3 Los Campos 1,01 2,22,2% 3197, 3201 204 798,88204 798,88% Error d'espresión: Caráuter de puntuación "," non reconocíu. 4 Villa 3,54 7,697,69% 358, 330 2295,222295,22% Error d'espresión: Caráuter de puntuación "," non reconocíu. 5 Molleda 5,47 11,8911,89% 748, 755 4796,024796,02% Error d'espresión: Caráuter de puntuación "," non reconocíu. 6 Cancienes 11,75 25,5425,54% 1702, 1625 109 029,11109 029,11% Error d'espresión: Caráuter de puntuación "," non reconocíu. 7 Solís 14,2 3,093,09% 391, 380 2506,922506,92% Error d'espresión: Caráuter de puntuación "," non reconocíu.

17 conceyales:

• 1 del USPC
• 10 del PSOE
• 1 del PP
• 2 d'IX-BA-LVA
• 1 de Fac

17 conceyales:

• 4 del USPC
• 6 del PSOE
• 1 del PP
• 3 d'IX-BA-LVA
• 3 de Fac

Gobernó'l PSOE.

17 conceyales:

• 7 del USPC (Alcalde: Luis Belarmino Moro, dende'l 21 d'agostu de 2008)
• 5 del PSOE (Alcalde: José Luis Vega Álvarez, hasta'l 21 d'agostu de 2008)
• 3 del PP
• 2 d'IX-BA-LVA

Nun primer momentu l'alcaldía yera pal PSOE, en coalición con IX-BA-LVGP. Na eleición recibió apoyu de 2 de los 3 conceyales del PP, pero el 21 d'Agostu de 2008, pasa a manes d'USPC nuna moción de censura apoyada pol PP. Volviendo a ser alcalde Luis Belarmino Moro.

17 conceyales:

• 7 del USPC (Alcalde: Luis Belarmino Moro Suárez)
• 3 d'IX - BA
• 3 del PSOE
• 3 del PP
• 1 d'URAS

L'alcaldía correspondió a USPC, en coalición col PP.

17 conceyales:

• 8 del PSOE (Alcalde: Severino Zapico González)
• 4 del PP
• 3 d'IX
• 2 d'URAS

L'alcaldía correspondió a PSOE, en coalición con URAS.

Emplegaos nos diversos sectores económicos (añu 2009)

	Númberu de trabayadores	Tantu por cientu
TOTAL	5.887	100
Agricultura, ganadería y pesca	82	1,39
Industria	2.769	47,04
Construcción	341	5,79
Servicios	2.695	45,78
* Datos tomaos del Anuariu Estadísticu d'Asturies 2009, SADEI

Usos del suelu del conceyu (añu 2009)

Usu	Superficie (km²)
Tierres de llabrantíu	0,99
Praderíes	16,82
Terrenu forestal	15,40
Otros usos (industrial, residencial, tierra ermo...)	12,80
* Datos tomaos del Anuariu Estadísticu d'Asturies 2009, SADEI

Carauterístiques del sector primariu (añu 2009)

Ganaderíes de bovín	159
Cabeces de ganáu bovín	2.047
Cabeces de ganáu ovín	257
Cabeces de ganáu cabrín	42
Ganaderos con cuota llechera	41
Quilos de cuota llechera	6.081.595
Metros cúbicos de madera valtao	5.240
* Datos tomaos del Anuariu Estadísticu d'Asturies 2009, SADEI

Corvera ye un referente pal piragüismu nacional, y en menos midía pal remu, gracies al Centru d'Altu Rendimientu de Tresona, onde se celebren campeonatos nacionales y internacionales.

Les principales fiestes de Corvera son:

• La Xira al embalse de Tresona, el 1 de mayu.
• La Foguera de San Xuan de Tresona, 23 y 24 de xunu.
• Fiestes Populares de Corvera, 9, 10 y 11 de setiembre.

• Praia ( Cabu Verde)
• Sal ( Cabu Verde)
• Arroyo Naranjo (Cuba Cuba)
• Maldonado ( Uruguái)

• Conurbación d'Avilés
• Festival Intercélticu d'Avilés

• Wikimedia Commons acueye conteníu multimedia sobre Corvera.
• Páxina web del conceyu (castellán)
• Federación Asturiana de Conceyos (castellán)